فوتو: قاراعاندى وبلىسى پد ءباسپاسوز قىزمەتى
«قاراعاندى قالالىق پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى بەكجان تولەۋ ۇلى قۇسايىنوۆتىڭ 53 جاسىندا كەنەتتەن قايتىس بولعانىن قايعىرىپ حابارلايمىز», دەلىنگەن حابارلامادا.
پد وكىلدەرىنىڭ ايتۋىنشا, بەكجان قۇسايىنوۆ ءومىرىنىڭ 30 جىلدان استامىن وتانعا قىزمەت ەتۋگە, قوعامدىق قاۋىپسىزدىكتى قامتاماسىز ەتۋگە جانە قۇقىق ءتارتىبىن قورعاۋعا ارناعان. ەڭبەك جولىن 1992 جىلى قاراعاندى وبلىسى قارقارالى اۋداندىق ىشكى ىستەر ءبولىمىنىڭ پاترۋلدىك-كۇزەت قىزمەتىندە پوليتسيا قىزمەتكەرى بولىپ باستاعان. ول وسى جىلدار ىشىندە قاراعاندى قالالىق ءىىد باستىعىنىڭ ورىنباسارى لاۋازىمىن قوسا العاندا جاۋاپتى قىزمەتتەردى اتقارىپ, مانساپ ساتىسىنىڭ بارلىق باسپالداقتارىن باسىپ ءوتتى.
«ول ارقاشان ءوزىنىڭ جوعارى كاسىبي دايىندىعىمەن, وزىنە جانە ارىپتەستەرىنە دەگەن تالاپشىلدىعىمەن, ادالدىعىمەن, ادەپتىلىگىمەن ەرەكشەلەندى. پوليتسيا پولكوۆنيگى قۇسايىنوۆ قىزمەتكە ادال, انتىنا ادال, شىنشىل جانە جاناشىر تۇلعا بولدى», دەپ اتاپ ءوتتى پوليتسيا.
قاراعاندى وبلىسىنىڭ پوليتسيا دەپارتامەنتىنىڭ باسشىلىعى, ىشكى ىستەر ورگاندارىنىڭ ارداگەرلەر كەڭەسى جانە بۇكىل جەكە قۇرام مارقۇمنىڭ وتباسى مەن جاقىندارىنا شىن جۇرەكتەن كوڭىل ايتادى.
