اسكەري جاساقتىڭ باستىعى قاتارداعى جاۋىنگەر ەرنۇر امانقۇل وقيعا تۋرالى دەرەۋ اسكەري جاساقتار بويىنشا كەزەكشىگە حابارلاپ, 101 شۇعىل قىزمەتىن شاقىردى. ول كولىكتى قاۋىپسىز جەرگە سۇيرەپ اپارىپ, ءورت سوندىرگىشتىڭ كومەگىمەن ءورتتى جويدى. ءورت قۇتقارۋشىلار كەلگەنگە دەيىن ءسوندىرىلدى.
- جۇرگىزۋشى ابدىراپ قالعان سياقتى. ول جالىنعا ورانعان كولىكتىڭ الدىندا نە ىستەرىن بىلمەي تۇردى. مەن ءورت سوندىرگىشتى جۇك سالعىشتان شىعارىپ, جالىندى توقتاتۋدى باستادىم. سودان كەيىن مەن اككۋمۋلياتوردى شەشىپ الدىم. ءبىز ءوتىپ بارا جاتقان ادامداردىڭ ەشقايسىسى زارداپ شەكپەۋى ءۇشىن ءورت اۋماعىن قورشادىق, — دەدى اسكەري جاساق باستىعى قاتارداعى جاۋىنگەر ەرنۇر امانقۇل.
ءورت سوندىرۋشىلەر كەلگەنگە دەيىن ۇلاندىقتار جالىنمەن ءساتتى كۇرەستى. زارداپ شەككەندەر جوق. اسكەري قىزمەتشىلەردىڭ جەدەل ارەكەتتەرىنىڭ ارقاسىندا سىن-قاتەرلەردىڭ الدىن الۋعا مۇمكىندىك تۋدى.
جۇرگىزۋشى ۇلاندىقتارعا جەدەل كومەك كورسەتكەنى ءۇشىن العىس ايتتى.
