بۇل تۋرالى باس پروكۋرور بەرىك اسىلوۆ ءوزىنىڭ X-تەگى پاراقشاسىندا حابارلادى.
SIM KIDS اتتى پيلوتتىق جوبا بايلانىس وپەراتورلارىمەن بىرلەسىپ الماتىدا ىسكە قوسىلعان.
– بۇل – ءسۋيتسيدتى ناسيحاتتاۋ, پورنوگرافيا, ەسىرتكى, ونلاين-كازينو جانە وزگە دە ينتەرنەت-قاتەرلەردەن قورعايتىن ارنايى بالالارعا ارنالعان سيم-كارتا. وسى سيم-كارتانىڭ كومەگىمەن اتا-انالار بالاسىنىڭ قانداي قوسىمشالاردى پايدالانىپ جۇرگەنىن باقىلاپ, زياندى سايتتارعا قولجەتىمدىلىكتى شەكتەپ, قۇرىلعى ءۇنسىز رەجيمدە بولسا دا, بالاسىنا قوڭىراۋ شالا الادى, – دەدى ۆەدومستۆو باسشىسى.
اسىلوۆتىڭ سوزىنشە, جوبا اتا-انالار اراسىندا ۇلكەن قىزىعۋشىلىق تۋدىردى.
سىناق كەزەڭى اياقتالعاننان كەيىن بۇل سيم-كارتا بارشاعا قولجەتىمدى بولادى.
