دارىگەرلەر پاۆلودار-استانا جولىندا كولىك اپاتىنا تۇسكەن بالالاردىڭ جاعدايى تۋرالى ايتتى.
-«استانا-ەرەيمەنتاۋ-شىدەرتى» اۆتوجولىنىڭ 154-ءشى شاقىرىمىندا بولعان جول-كولىك اپاتىنان 1990 جىلى تۋعان ەر ازامات قايتىس بولدى. كامەلەت جاسىنا تولماعان جەتى ءجاسوسپىرىم اۋرۋحاناعا جاتقىزىلدى. ولاردىڭ بىرەۋ جانساقتاۋ بولىمىندە. بالانى وبلىستىق نەيروحيرۋرگ قاراپ شىعىپ, سيمپتوماتيكالىق ەم تاعايىندالدى. وزگە التى بالا جەڭىل جانە ورتاشا اۋىرلىقتا جاراقات العان, بارلىعى حيرۋرگيالىق بولىمشەگە جاتقىزىلدى. جاراقاتتان امان قالعان توعىز بالا اۋرۋحانانىڭ ستاتسيونارىنا ورنالاستىرىلدى,-دەپ مالىمدەدى ەرەيمەنتاۋ اۋداندىق اۋرۋحاناسىنان.
دارىگەرلەر قازىرگى ۋاقىتتا ستاتسيوناردا ءتورت بالا قالعانىن, ولار ءوز اتا-انالارىن كۇتۋدە ەكەنىن جەتكىزدى.
«بارلىق مەديتسينالىق جانە ۇيىمداستىرۋ ءىس-شارالارى قابىلداندى. اۋرۋحانادا ەم قابىلداپ جاتقان بالالاردىڭ جاعدايلارى تۇراقتى. جاعداي اقمولا وبلىستىق دەنساۋلىق ساقتاۋ باسقارماسىنىڭ باقىلاۋىندا», دەپ حابارلادى اۋرۋحانادان.
ال پاۆلودار وبلىسى اكىمىنىڭ ءباسپاسوز قىزمەتى وڭىرلىك دەنە شىنىقتىرۋ جانە سپورت باسقارماسى مەن قۇقىق قورعاۋ ورگاندارىنىڭ وكىلدەرى وقيعا ورنىنا بارعانىن حابارلادى.
«بالالاردى الىپ كەلۋ ءۇشىن كولىك ۇيىمداستىرىلعان. بىراق اتا-انالار بالالارىن ءوز بەتىمەن الىپ كەتىپ جاتىر»,-دەپ مالىمدەدى وبلىس اكىمىنىڭ ءباسپاسوز قىزمەتىنەن.
