ول قازاقستان رەسپۋبليكاسى قىلمىستىق كودەكسىنىڭ 451-بابى 1-بولىگى بويىنشا — بيلىكتى نەمەسە لاۋازىمدىق وكىلەتتىلىكتى اسىرا پايدالانۋ — ايىبىمەن سوتتالدى.
ءىس ماتەريالدارىنا سايكەس, 2024 جىلدىڭ ماۋسىم ايىندا سوتتالۋشى ت. اسكەرگە جاڭادان شاقىرىلعان سارباز ءا.-ءنىڭ ىشىنەن ادەيى سوققى جاساپ, ونىڭ دەنساۋلىعىنا جەڭىل زيان كەلتىرگەن. بۇل ارەكەتى ارقىلى ول ءوزىنىڭ ۇستەمدىگىن كورسەتىپ, جابىرلەنۋشىنىڭ ار-نامىسىنا نۇقسان كەلتىرگەن. جابىرلەنۋشى اۋىر جاعدايدا جانساقتاۋ بولىمىنە جەتكىزىلگەن.
ايىپتالۋشى ءوز كىناسىن مويىنداماعانىمەن, ونىڭ ارەكەتى كۋالاردىڭ ايعاقتارى, تەرگەۋ ماتەريالدارى مەن مەديتسينالىق ساراپتاما ناتيجەلەرى ارقىلى دالەلدەندى.
جابىرلەنۋشىنىڭ وكىلدەرى سوتتان قاتاڭ جازا تاعايىنداۋدى جانە ماتەريالدىق شىعىندى ءوندىرۋدى سۇرادى.
سوت ت.-نى كىنالى دەپ تانىپ, 3 جىل مەرزىمگە باس بوستاندىعىنان ايىردى. سونىمەن قاتار, جابىرلەنۋشىنىڭ پايداسىنا 2 ميلليون تەڭگەدەن استام سوما ءوندىرىلدى.
ۇكىم زاڭدى كۇشىنە ەنگەن جوق.
