جيىنعا قاتىسۋشىلار وڭىرلىك قاۋىپسىزدىكتىڭ وزەكتى باعىتتارى, ونىڭ ىشىندە تەررويزمگە, ەكسترەميزمگە, راديكالدانۋ ۇردىسىنە جانە ترانسۇلتتىق ۇيىمداسقان قىلمىسقا قارسى ءىس-قيمىل ماسەلەلەرى جونىندە پىكىر الماستى.
تاراپتار ورتالىق ازيانىڭ ەكولوگيالىق جانە سۋ-ەنەرگەتيكالىق قاۋىپسىزدىگىن قامتاماسىز ەتۋ باعىتىندا ءوزارا ىقپالداستىقتى جانداندىرۋ ماسەلەسىن تالقىلادى.
سونداي-اق كۇن تارتىبىندە ورتالىق ازيا وڭىرىندەگى كولىك قاۋىپسىزدىگىن قامتاماسىز ەتۋ جانە ايماقتىڭ ترانزيت-كولىك الەۋەتىن دامىتۋ ءۇشىن ورتاق كۇش-جىگەر جۇمىلدىرۋ ماسەلەسى قاراستىرىلدى.
قاۋىپسىزدىك كەڭەسى حاتشىسى عيزات نۇرداۋلەتوۆ ارىپتەستەرىنە اتالعان ماسەلەلەر بويىنشا ەلىمىزدىڭ ۇستانىمىن جەتكىزدى. سۋ-ەنەرگەتيكا سالاسىنداعى ىنتىماقتاستىقتى دامىتۋعا بايلانىستى بىرقاتار ۇسىنىس ايتتى. حالىقارالىق تەرروريزمنىڭ سىن-قاتەرلەرىنە جانە ەكسترەميستىك يدەولوگيانىڭ تارالۋىنا توسقاۋىل قويۋ تيىمدىلىگىن ارتتىرۋ ماقساتىندا بەلسەندى اقپارات الماسۋ قاجەت ەكەنىن اتاپ ءوتتى.
كەزدەسۋ قورىتىندىسى بويىنشا حاتتاماعا قول قويىلدى. قۇجاتتا تاراپتار وڭىرلىك قاۋىپسىزدىكتى نىعايتۋ جولىنداعى ءوزارا ىقپالداستىقتىڭ ناقتى باعىتتارىن بەلگىلەدى.
