فوتو: اشىق دەرەككوز
كوكشەتاۋ قالاسىنىڭ تۇرعىنى قاعيرا راحيموۆا ەلۋ جىلعا جۋىق ءبىلىم بەرۋ سالاسىندا ەڭبەك ەتكەن ەكەن. ورتالىق اشىلعان كۇننەن باستاپ بىرنەشە ۇيىرمەگە قاتىسىپ ءجۇر.
«ۇيدە وتىرىپ قالساق, جالقاۋلانىپ كەتەمىز عوي, از قوزعالامىز. ال, جاتتىعۋ جاساپ تۇرماساق سەرپىلىس قايدان بولسىن؟», دەيدى ول.
جاڭا ورتالىققا كەلۋشىلەر سانى كۇن سايىن كوبەيىپ كەلەدى. قارتتاردىڭ كوڭىلىن كوتەرىپ, دەنساۋلىقتارىن نىعايتۋعا بارلىق جاعداي جاسالعان. ۇيىرمەنىڭ 11 ءتۇرى بار.
«بۇرىن ۇيدە جاي جاتتىعۋ جاساۋشى ەدىم, مىنا جەردە تاماشا ەكەن. مەملەكەتتىڭ قامقورلىعىنا مىڭ دا ءبىر العىس», دەيدى زاستانتسيوننىي كەنتىنىڭ تۇرعىنى روزا قوجاحمەتوۆا.
قازىر كوكشەتاۋ قالاسىندا وتىز مىڭعا جۋىق زەينەتكەر بار. بەلسەندى ءومىر ءسۇرۋ ورتالىعى كۇنىنە 150 ادامدى قابىلدايدى.
