«حاندار شەجىرەسى» قولجازباسى – XVIII عاسىردا جازىلعان, ۇزىندىعى 3 مەتردەن اساتىن بۇكتەمە قاعاز تۇرىندەگى قۇجات.
يۋنەسكو مويىنداعان بۇل بىرەگەي ارتەفاكت قازاق ەلىن باسقارعان حانداردىڭ شەجىرەسى باي ەكەنىن اڭعارتادى. سونىمەن قاتار VI-XIX عاسىرلاردا ءومىر سۇرگەن تاريحي تۇلعالاردىڭ شىعۋ تەگىن جانە ولاردىڭ وزگە حالىقتارمەن قالاي بايلانىس ورناتقانىن تۇسىنۋگە مۇمكىندىك بەرەدى.
بۇعان دەيىن يۋنەسكو تىزىمىنە قوجا احمەت ءياسساۋيدىڭ قولجازبالارى, «نەۆادا-سەمەي» حالىقارالىق انتيادرولىق قوزعالىسى تۋرالى مۇراعات ماتەريالدارى, سونداي-اق ارال تەڭىزىنىڭ مۇراعات قورى ەنگىزىلگەن بولاتىن.
