وسى رەتتە جاساندى ينتەللەكتىنى قالاي ءتيىمدى پايدالانۋدى ۇيرەندىك. جاساندى ينتەللەكت شىقتى, ەندى جۋرناليستەردى ىسىرىپ تاستايدى دەگەن قاۋەسەت ءسوز دە تارادى. بولاشاقتا بۇل ماماندىق قۇردىمعا كەتەدى دەگەن پىكىرلەر دە ايتىلىپ جاتىر. كەزىندە تەلەارنا العاش رەت شىققاندا گازەتتىڭ كۇنى بىتەدى دەگەن جاڭساق پىكىرلەر سەكىلدى جاساندى ينتەللەكتىدەن دە ءبىراز كۇدىك العانىمىزدى جاسىرمايمىن. ماماندار وسىنىڭ تاۋەكەل تۇستارى مەن پايداسىن ايتىپ, جۇرەگىمىز ورنىنا تۇسكەندەي بولدى. ولار جاساندى ينتەللەكت دايىنداپ بەرگەن جوبانى ادامي, جۋرناليستىك كاسىبي تۇرعىدا قايتا قاراۋدى تالاپ ەتىنىن ايتتى.
مەنى جاساندى ينتەللەكتىنىڭ مۇمكىندىگى زور, ەڭبەك تولىقتاي سوعان تيەسىلى بولىپ, جۋرناليستەردىڭ وعان اسەرى ماڭىزسىز بولىپ قالادى دەگەن وي مازالاعانى راس. ءبىز – شىعارماشىل ادامبىز. سوندىقتان دا مۇنداي كەزدەسۋلەر ءبىر جاعىنان جاڭا ىزدەنىستەرگە سەرپىن بەرىپ, رۋحتاندىرادى. سونداي-اق جۋرناليست ەتيكاسىن دا قاراستىردى. اسىرەسە ايماقتاعى جۋرناليستەرگە مۇنداي ترەنينگ, فورۋمدار وتە قاجەت. جولدىڭ شالعايلىعىنان كوپ كەلە بەرمەيمىز. سوندىقتان وسىنداي مۇمكىندىكتى پايدالانىپ قالۋعا تىرىسامىز.
وڭىردە بولعان سوڭ بىزدە كادر جەتىسپەۋشىلىگى دەگەن ماسەلە بار. كەيىنگى كەزدە تەلەارناعا اعا بۋىن قايتا ورالا باستادى. سەبەبى اعا بۋىننىڭ جۇرگىزگەن حابارلارى كوبىرەك سەنىم قالدىراتىن سەكىلدى. بۇل تۇرعىدان كەلگەندە ءبىزدىڭ ارنادا اعا بۋىن وكىلدەرى قىزمەت ەتەدى. كورەرمەن ولارعا ابدەن كوزتانىس بولعان, سەنىمدى اقپارات كوزى رەتىندە قارايدى. جاستار بولسا, قىزىقتى جوبالارىمەن تاڭعالدىرادى. اسىرەسە ولار لايف دەپ جۇرگەن تىكەلەي ەفير باعىتىنداعى حابارلارعا تەز بەيىمدەلىپ الدى. قازىر وقيعا ورنىنان, تەلەفونعا بولسا دا ءتۇسىرىپ جىبەرىپ جاتادى. شەتەلدىك ساراپشىلاردىڭ ايتۋىنشا, ولاردا دا وسىنداي ءۇردىس قالىپتاسقان ەكەن.
دينارا جۇمابەكقىزى,
«اق جايىق» تەلەارناسىنىڭ شەف-رەداكتورى
