— اۋعانستاننىڭ بالح پروۆينتسياسىنداعى حايراتون ستانتسياسىندا گۋمانيتارلىق جۇك اۋعان تاراپىنا بەرىلدى. تەمىر جولمەن جەتكىزىلگەن جۇكتىڭ جالپى كولەمى 2,2 مىڭ توننا. بۇلار وسىمدىك مايى, بيداي ۇنى, كۇرىش جارماسى, قىسقى جانە جازعى شاتىرلار, كورپەلەر. ءزارۋ دارىلىك زاتتار بار گۋمانيتارلىق كومەكتىڭ ءبىر بولىگى اۋە كولىگىمەن جىبەرىلمەك. گۋمانيتارلىق كومەك «KazAID» قازاقستاندىق حالىقارالىق دامۋ اگەنتتىگىنىڭ جاردەمىمەن كورسەتىلدى, — دەلىنگەن حابارلامادا.
قازاقستان رەسپۋبليكاسىنىڭ اۋعانستانداعى ۋاقىتشا سەنىمدى وكىلى عازيز اقباسوۆ اتاپ وتكەندەي, قازاقستان اۋعان حالقىن قولداۋدى جالعاستىرىپ, ەكى ەل اراسىنداعى دوستىق, ساۋدا-ەكونوميكالىق بايلانىستى دامىتۋدى دايەكتى تۇردە قولدايدى. تەك گۋمانيتارلىق قانا ەمەس, تاۋ-كەن ونەركاسىبى, كولىك, لوگيستيكا مەن اۋىل شارۋاشىلىعى سالاسىنداعى ىنتىماقتاستىقتى تەرەڭدەتۋگە دايىن.
21–23 ءساۋىر ارالىعىندا ۆيتسە-پرەمەر — ۇلتتىق ەكونوميكا ءمينيسترى سەرىك جۇمانعارين باستاعان قازاقستاندىق دەلەگاتسيا كابۋلعا بارادى. ساپار شەڭبەرىندە اۋعانستاننىڭ رەسمي تۇلعالارىمەن كەزدەسۋلەر, قازاقستاندىق تاۋارلاردىڭ كورمەسىن وتكىزۋ جوسپارلانىپ وتىر.
