سۋرەت: abu.org.my
Covid پاندەمياسى كەزىندە ءبىز ۇلتتىق حابار تاراتۋ ورتالىقتارىنىڭ قانشالىقتى ماڭىزدى ەكەنىن تەرەڭ ۇعىندىق. وسىنداي توتەنشە جاعدايلاردا حالىققا شىنايى, رەسمي ءارى وبەكتيۆتى اقپارات تاراتۋ – ەڭ جاۋاپتى مىندەت.
جۋرناليستيكانىڭ كاسىبي ەتيكاسى قازىرگى جاساندى ينتەللەكت زامانى تۋىنداعان شاقتا بۇرىنعىدان دا وزەكتى بولا ءتۇستى. اقپارات تاراتۋشىلار مەن ىقپالدى بلوگەرلەردىڭ ءاربىر مالىمەتى اۋديتوريا ساناسىنا اسەر ەتەدى. بىراق ءبىز ءاربىر اقپاراتتى جەكە باقىلاپ, تەكسەرە المايمىز. سول سەبەپتى بۇقارالىق اقپارات قۇرالدارىنا ارتىلاتىن جاۋاپكەرشىلىك وتە زور. ءار ازامات ءوزىنىڭ قانداي اقپاراتقا سەنەتىنىن سارالاي الۋى كەرەك.
بۇگىندە فەيك پەن مانيپۋلياتسياعا تولى مەديا كەڭىستىكتە ەڭ باستى ماسەلە – اقپاراتتىڭ سەنىمدىلىگى. بۇل رەتتە ينفليۋەنسەرلەردىڭ دە ءرولى ارتىپ كەلەدى. ولار – زاماناۋي پىكىر قالىپتاستىرۋشىلار. بىراق ولاردىڭ تاراتىپ جاتقان كونتەنتى ءاردايىم وبەكتيۆتى بولا بەرمەيدى. سوندىقتان ۇلتتىق حابار تاراتۋ ورتالىقتارىنىڭ ءرولى – حالىقتى دۇرىس, ناقتىلانعان اقپاراتپەن قامتاماسىز ەتۋ.
ءبىزدىڭ ۇيىمنىڭ قۇرامىندا «AJN» (Asia Journalism Network) دەپ اتالاتىن جاڭالىق تاراتۋ ورتالىعى بار. بۇل پلاتفورما ارقىلى ءبىز مۇشە مەملەكەتتەردىڭ ۇلتتىق ورتالىقتارىنان الىنعان اقپاراتتاردى كۇندەلىكتى تاراتىپ وتىرامىز. دەرەكتى فيلمدەر, جاڭالىقتار, مادەني جوبالار ارقىلى ءبىز تەك ءبىر ايماقپەن شەكتەلمەيمىز – ورتالىق ازيادان باستاپ, كاريب ايماعى مەن افريكا ەلدەرىنە دەيىن قامتيمىز.
تىلدىك كەدەرگىنى ءبىز تەحنولوگيانىڭ كومەگىمەن شەشىپ كەلەمىز. ترانسكريپتسيا, اۆتوماتتى اۋدارما سىندى قۇرالداردى قولدانا وتىرىپ, ءتۇرلى ۇلتتاردىڭ ءبىرىن-ءبىرى تۇسىنۋىنە جاعداي جاساپ وتىرمىز.
قورىتىندىلاي كەلە, ءبىز ازيا حابار تاراتۋ وداعىنا بارلىق مەملەكەتتى قوسىلۋعا شاقىرامىز. مەديا كوشباسشىلارمەن بىرلەسە جۇمىس ىستەپ, تاجىريبە الماسۋعا, اقپاراتتىق قاۋىپسىزدىك پەن ساپانى بىرگە قامتاماسىز ەتۋگە دايىنبىز.
احمەد ناديم,
«Asian-Broadcasting Union» باس حاتشىسى
