جاسوسپىرىمدەر اراسىنداعى الەمدىك دودا راپيد جانە بليتس بويىنشا ءوتىپ جاتىر. 49 ەلدەن 433 شاحماتشى باق سىناعان دودادا ء ادينۇر ادىلبەك (O8),ءامىرجان انەتوۆ (O10), ايارۋ التىنبەك (G14), ەلناز قالياحمەت (G16), ەرعالي سۇلەيمەن (O18) جانە 11 پارتيانىڭ بارلىعىندا قارسىلاستارىن ايقىن ۇتقان اليشا بيساليەۆا الەم چەمپيونى اتاندى. ال جانسايا شولپانبەككە (G14) قولا جۇلدە بۇيىردى. تالانتتى جەتكىنشەكتەر شۆەيتساريالىق جۇيە بويىنشا وتكەن تارتىستا جوعارى ناتيجە كورسەتتى. جاس ساناتى بويىنشا ەرەسەكتەردىڭ تارتىسى ەندى باستالادى. ەلىمىزدەن الەم چەمپيوناتىنا 22 شاحماتى اتتانعان ەدى. ولاردىڭ اراسىندا التىنمەن ولجالى ورالادى دەپ الەمدىك رەيتينگتە جوعارى تۇرعان ءادينۇر ادىلبەك (O8) پەن ايارۋ التىنبەككە (G14) زور سەنىم ارتىلعان ەدى. دەسە دە ساڭلاقتارىمىز جوسپارلى مەجەنى اسىرا ورىندادى.
ەرتەڭ بليتستەن (5+3) جارىس اياقتالادى, سايىستا دا شۆەيتساريالىق جۇيە بويىنشا تارتىس 11 تۋرعا ۇلاسادى.
