فوتو: ۆيكتور فەديۋنين / Kazinform
بىلتىر استانادا وتكەن كونسۋلتاتيۆتىك كەزدەسۋدە مەملەكەت باسشىسى قاسىم-جومارت توقاەۆ ورتالىق ازيا ەلدەرىمەن بىرلەسكەن مەدياونىمدەر جاساۋ تۋرالى باستاما كوتەرگەن ەدى. سوعان وراي ا.بالاەۆا ورتاق تەلەارنا قۇرۋ جانە ايماقتىڭ الەۋەتى, وسى اۋماقتا تۇراتىن حالىقتاردىڭ دوستىعى مەن بىرلىگى تۋرالى حاباردار ەتەتىن تەلەجوبالاردى, سونداي-اق تۋىسقان حالىقتاردىڭ تاريحى مەن ەرەكشەلىگى تۋرالى تانىمدىق تەلە-راديو باعدارلامالار توپتاماسىن دايىنداۋ يدەياسىن جەتكىزدى.
«ورتالىق ازيا ەلدەرىنىڭ مەديا سالاسىنداعى ىنتىماقتاستىعى دا جوسپارلى تۇردە جاڭا دەڭگەيگە كوتەرىلىپ كەلەدى. ماسەلەن, قازاقستاننىڭ مادەنيەت جانە اقپارات مينيسترلىگى مەن وزبەكستاننىڭ اقپارات جانە بۇقارالىق كوممۋنيكاتسيالار اگەنتتىگى اراسىندا 2025 جىلعا دەيىنگى ءوزارا ءىس-قيمىل جوسپارىنا قول قويىلدى. جوسپار مەدياكونتەنت الماسۋدى, جۋرناليستەرگە ارنالعان ترەنينگتەر مەن سەمينارلار وتكىزۋدى, ءباسپاسوز حاتشىلارىنىڭ بىلىكتىلىگىن ارتتىرۋدى, جاس مامانداردى قولداۋدى جانە جالعان اقپاراتپەن بىرلەسىپ كۇرەسۋدى قامتيدى. سونداي-اق تاراپتار تاجىريبە الماسۋ جانە كاسىبي بايلانىستاردى دامىتۋ ماقساتىمەن ەكى ەلدىڭ جۋرناليستەرى ءۇشىن ءباسپاسوز تۋرلارىن ۇيىمداستىرۋ تۋرالى شەشىم قابىلدادى. ورتالىق ازيانىڭ بارلىق ەلىن وسى ۇدەرىسكە قاتىسۋعا شاقىرامىز.», دەدى مينيستر.
