«كىتاپ «ابىرالى اڭىزدارى» دەپ اتالعانىمەن, مۇندا ەل اۋزىنداعى ەرتەگى-اڭىزدار ەمەس, اتى اڭىزعا اينالعان ادامدار جايىندا دەرەكتەر قامتىلعان. رەسمي شەكارالارى بىردە قوسىلىپ, بىردە اجىراعان شەجىرەلى شىڭعىستاۋ, قازىنالى قارقارالى, ەڭسەلى ەگىندىبۇلاق, ايبارلى ابىرالى, ولاردىڭ ورتاق پەرزەنتتەرى ءا.ەرمەكوۆ, ح.عابباسوۆ, م.تۇرعانباەۆ, ن.نۇرماقوۆ سياقتى الاش ارىستارى, جىر جامپوزى جاناق اقىن, عۇلاما اقجان ماشاني, قازاق ادەبيەتىندە ايشىقتى ءىزىن قالدىرعان ساپارعالي بەگالين, تولەۋجان ىسمايىلوۆ, ءان بۇلبۇلدارى امىرە مەن بيبىگۇل... ءبارى دە اڭىز ادامدار عوي. سونىمەن قاتار جاس ۇرپاق اعا بۋىننىڭ سالعان ىزدەرىن بىلە ءجۇرسىن دەپ, ابىرالى وڭىرىندە تۋىپ-وسكەن نەمەسە بەلگىلى دارەجەدە قاتىسى بار 200-دەن استام ادامنىڭ قىسقاشا انىقتامالىق ءومىربايانى بەرىلدى», دەيدى اۆتور.
قايىربەك شاعىردىڭ بۇعان دەيىن «تارتىلىس», «تەبىرەنىس تولقىندارى», «ارشا اڭقىعان جاز», «قالام مەن قامشى» اتتى ولەڭدەر مەن اۋدارمالار جيناعى وقىرمان قاۋىمعا جول تارتقان ەدى. بۇل جولعى كىتاپتىڭ دا ءوڭىر ءۇشىن رۋحاني ماڭىزى زور, ايتارى مول.
اباي وبلىسى
