قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №388 

2014 جىلعى 23 قىركۇيەك, استانا قالاسى پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا ءومىر بويىنا تىيىم سالۋ تۋرالى سوت ۇكىمىن ورىنداۋ قاعيدالارىن بەكىتۋ تۋرالى قازاقستان رەسپۋبليكاسىنىڭ قىلمىستىق-اتقارۋ كودەكسىنىڭ 72-بابىنىڭ 1-تارماعىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا ءومىر بويىنا تىيىم سالۋ تۋرالى سوت ۇكىمىن ورىنداۋ قاعيدالارى بەكىتىلسىن. 2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا): 1) وسى بۇيرىقتىڭ بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن; 3) وسى بۇيرىقتى وبلىستار, استانا جانە الماتى قالالارى ءبىلىم باسقارمالارىنىڭ نازارلارىنا جەتكىزسىن. 3. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن. 4. وسى بۇيرىق 2015 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋى ءتيىس. مينيستر ا.ءسارىنجىپوۆ. قازاقستان رەسپۋبليكاسى ءبىلىم جانە عىلىم ءمينيسترىنىڭ 2014 جىلعى 23 قىركۇيەكتەگى №388 بۇيرىعىمەن بەكىتىلگەن پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا ءومىر بويىنا تىيىم سالۋ تۋرالى سوت ۇكىمىن ورىنداۋ قاعيدالارى 1. جالپى ەرەجەلەر 1. پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا ءومىر بويىنا تىيىم سالۋ تۋرالى سوت ۇكىمىن ورىنداۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ 2014 جىلعى 5 شىلدەدەگى № 234 قىلمىستىق-اتقارۋ كودەكسىنىڭ 72-بابىنىڭ 1-تارماعىن ىسكە اسىرۋ ماقساتىندا ازىرلەنگەن. 2. وسى قاعيدالارداعى ۇيىمدار دەگەنىمىز «ءبىلىم تۋرالى» قازاقستان رەسپۋبليكاسى زاڭىنىڭ 40-بابىنىڭ 4-تارماعىندا انىقتالعان ۇيىمدار بولىپ قابىلدانادى. 3. وسى قاعيدالار پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىس­تى لاۋازىمداردى اتقارۋعا ءومىر بويىنا تىيىم سالۋ تۋرالى سوت ۇكىمىن ورىنداۋ ءتارتىبىن ايقىندايدى. 2. پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا تىيىمنىڭ ورىندالۋ ءتارتىبى 4. مەنشىك نىسانىنا قاراماستان ۇيىمنىڭ باسشىسى (بۇدان ءارى – باسشى) پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا قابىلداۋ كەزىندە تۇلعالاردان قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنە ەسەبى بوىينشا ولاردىڭ قىلمىس جاساعان تۋرالى مالىمەتتىڭ بار نە جوق ەكەنى تۋرالى اقپارات سۇراتادى. 5. باسشى تۇلعالاردى جۇمىسقا قابىلداۋ تۋرالى شەشىم شىعارعانعا دەيىن كۇنتىزبەلىك 7 كۇننىڭ ىشىندە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ اۋماقتىق ورگاندارىنان كانديداتتىڭ پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا ءومىر بويىنا تىيىم سالىنعان شەكتەۋلەرىنىڭ بار-جوعى تۋرالى مالىمەتتىڭ دۇرىستىعىن تەكسەرەدى. 6. باسشى كۇنتىزبەلىك ءبىر كۇن ىشىندە: 1) قىزمەتكەردىڭ پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋىنا تىيىم سالۋ تۋرالى زاڭدى كۇشىنە ەنگەن سوت ۇكىمىنىڭ كوشىرمەسىن العاندا; 2) پەداگوگ قىزمەتكەردىڭ پەداگوگ لاۋازىمىن اتقارۋ قۇقىعىنان ايىرىلعاندىعى تۋرالى سوت ۇكىمىنىڭ بار ەكەنى نەمەسە جاسىرىلعانى انىقتالعان جاعدايدا وڭى اتقارىپ وتىرعان لاۋازىمىنان بوسادى. بۇل رەتتە پەداگوگ قىزمەتكەرگە كامەلەتكە تولماعاندارمەن ءجۇمىس ىستەۋگە بايلانىستى وزگە جۇمىس ۇسىنىلماۋى ءتيىس. 7. باسشى سوتتىڭ ۇكىمىمەن پەداگوگ لاۋازىمىن اتقارۋىنا شەكتەۋ قويىلعان قىزمەتكەرمەن جاسالعان ەڭبەك شارتىن بۇزۋ كۇنتىزبەلىك جەتى كۇن ىشىندە كەزىندە قابىلدانعان شارالار تۋرالى ءبىلىم بەرۋ سالاسىنداعى جانە ىشكى ىستەر ورگاندارىنىڭ قىلمىستىق-اتقارۋ جۇيەسىندەگى جەرگىلىكتى ورگاندارعا حابارلايدى. 8. باسشى جىلىنا ءبىر رەت پەداگوگ قىزمەتكەرلەردىڭ پەداگوگ لاۋازىمىن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا ءومىر بويىنا تىيىم سالىنعان شەكتەۋلەرىنىڭ بار-جوعى تۋرالى مالىمەتتى قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ اۋماقتىق ورگاندارىمەن تۇرعىلىقتى جەرى بويىنشا پروباتسيا قىزمەتىنەن سالىستىرىپ تەكسەرىپ وتىرۋعا مىندەتتى. 9. باسشى قازاقستان رەسپۋبليكاسى ەڭبەك كودەكسىنىڭ 26-بابىنىڭ 3-تارماعىنا سايكەس سوتتىڭ زاڭدى كۇشىنە ەنگەن ۇكىمىنە سايكەس بەلگىلى ءبىر لاۋازىمعا تۇرۋ نەمەسە بەلگىلى ءبىر قىزمەتپەن شۇعىلدانۋ قۇقىعىنان ايىرىلعان ازاماتتارمەن ەڭبەك شارتىن جاساسپاۋى ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 23 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9821 بولىپ ەنگىزىلدى.