وقيعا ورنىندا اباي وبلىسىنىڭ اكىمى بەرىك ءۋاليدىڭ تاپسىرماسىمەن جەدەل شتاب قۇرىلىپ, قازىرگى تاڭدا ءتىلسىز جاۋدىڭ تارالۋىن توقتاتۋ بويىنشا جەدەل جۇمىستار جۇرگىزىلىپ جاتىر.
«كۇنباعىس قابىعى جانۋىنان بولعان ءورت, جەلدىڭ قاتتى سوعۋ اسەرىنەن قالىڭ تۇتىنگە ۇلاستى. سول ماڭداعى تۇرعىندار قاۋىپسىز جەرگە كوشىرىلدى. ءورت ءسوندىرۋ جۇمىستارى جالعاسىپ جاتىر», دەدى وبلىس اكىمىنىڭ ورىنباسارى ديميتري گاريكوۆ.
ءورتتى سوندىرۋگە تجم, پد, جاو, جشس جانە قر تجم 68303 اسكەري ءبولىمىنىڭ 111-دەن استام ادام مەن 33 بىرلىك تەحنيكا جۇمىلدىرىلدى.
قازىر ءورت بولعان اۋماقتا تجم امو قىزمەتتەرى مەن تجد پسيحولوگتارى جۇمىس ىستەپ جاتىر. اباي وبلىسىنىڭ تجد جەدەل جەلى دە اشىلدى.
سونداي-اق, قاۋىپسىز جەرگە كوشىرىلگەن تۇرعىندار مادەنيەت ۇيىنە ۋاقىتشا ورنالاسىپ, جەرگىلىكتى اتقارۋشى ورگاننىڭ ۇيىمداستىرۋىمەن ىستىق اسپەن قامتاماسىز ەتىلدى.
سوڭعى مالىمەتتەرگە سايكەس, ءورت تولىقتاي وقشاۋلاندى.
