فوتو: اشىق دەرەككوز
دەپۋتاتتىڭ ايتۋىنشا, قازىرگى تاڭدا ءار بالا ءتۇرلى ۇيىرمەلەر مەن سپورتتىق سەكتسيالارعا قاتىسادى. ال اتا-انالار, اسىرەسە انالار, ولاردى بارلىق جەرگە اپارۋعا ۇلگەرمەيدى.
«ساعات 18:00-دە جۇمىستان شىققان ايەلدىڭ بالالارىن ۇيىرمەگە اپارۋى وتە قيىن, سەبەبى كەيبىر سەكتسيالار ءدال سول ۋاقىتتا نەمەسە ودان دا ەرتە باستالادى. ناتيجەسىندە بالالار شارشاعان انالارىن كورەدى, بۇل وسكەلەڭ ۇرپاق ءۇشىن جاقسى ۇلگى ەمەس. قازىردىڭ وزىندە قىز بالالار مۇنى كورىپ, بولاشاقتا انا بولعىسى كەلمەيتىنىن اشىق ايتىپ ءجۇر», دەدى انتروپەنكو.
ونىڭ پىكىرىنشە, وتباسىنا, ۇيىنە جانە بالا-شاعاسىنا بايلانىستى الاڭداۋشىلىق كەيدە ايەلدەردى جۇمىستان كەتۋگە يتەرمەلەيدى. سونداي-اق ول ءتىپتى ايەلدىڭ وتباسى مەن بالا-شاعاسى بولماسا دا, جۇمىسقا دايىندالۋ ءۇشىن كۇنىنە قوسىمشا ءبىر ساعات قاجەت ەكەنىن تىلگە تيەك ەتتى.
«ايەلگە ەر ادامعا قاراعاندا الدەقايدا كوپ ۋاقىت كەرەك. قازىر دەموگرافيانى كوتەرۋ ماسەلەسى وزەكتى بولىپ تۇر, ال ەگەر جاس قىز جۇمىستان شارشاپ شىقسا, جەكە ومىرگە ۋاقىتتى قاشان تابادى؟ سوندىقتان نازىك جاندىلار ءۇشىن جۇمىس ۋاقىتىن ءبىر ساعاتقا قىسقارتۋدى وزەكتى باستاما دەپ سانايمىن», دەدى دەپۋتات.
