بۇل پروتسەدۋرا تولىقتاي مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسى ارقىلى قارجىلاندىرىلاتىنى ايان. 2024 جىلى عانا «اڭساعان ءسابي» باعدارلاماسى اياسىندا جالپى قۇنى 3,9 ملرد تەڭگەگە 3229 پروتسەدۋرا جۇرگىزىلدى. بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا مەديتسينالىق ساقتاندىرۋ قورىنىڭ الماتى قالالىق فيليالىنىڭ ديرەكتورى ءىلياس مۇحامەدجان مالىمدەدى.
سپيكەر ءسوز بارىسىندا ەكۇ پروتسەدۋراسىن ءتيىمدى پايدالانعان ازاماتشا تۋرالى مىسال كەلتىردى. 37 جاستاعى كاسىپكەر ايەل ءبىر جىل ىشىندە 71 400 تەڭگە كولەمىندە ساقتاندىرۋ جارناسىن تولەگەن. ال وعان جاسالعان ەكۇ پروتسەدۋراسىنىڭ قۇنى — 1,2 ملن تەڭگە بولعان, بۇل — ونىڭ تولەگەن جارناسىنان 17 ەسە جوعارى. سونىمەن قاتار, وعان دياگنوستيكالىق قىزمەتتەر دە تەگىن كورسەتىلگەن.
بۇدان بولەك, قور باسشىسى الماتىلىقتاردىڭ كونسۋلتاتيۆتىك-دياگنوستيكالىق قىزمەتتەردى بەلسەندى پايدالانىپ جۇرگەنىن اتاپ ءوتتى. 2024 جىلى 102 مىڭنان استام كت جانە مرت زەرتتەۋلەرى جۇرگىزىلىپ, ولاردىڭ جالپى قۇنى 1,6 ملرد تەڭگەنى قۇرادى. بۇرىن بۇل قىزمەت تۇرلەرى تەك الەۋمەتتىك وسال ساناتتاعى ازاماتتارعا عانا قولجەتىمدى بولسا, قازىر بارلىق ساقتاندىرىلعان ازاماتتار پايدالانا الادى.
ء«مامس جۇيەسىنىڭ ارتىقشىلىعى — تابىس دەڭگەيىنە قاراماستان تولىققاندى مەديتسينالىق كومەك پەن دياگنوستيكا الۋعا مۇمكىندىك بەرۋىندە», — دەپ تۇيىندەدى سپيكەر.
