سۋرەت: primeminister.kz
اۋىل شارۋاشىلىعى ۆيتسە-ءمينيسترى باعلان بەكباۋوۆ اۋىل شارۋاشىلىعى تاۋارىن وندىرۋشىلەرگە سۋبسيديا تولەۋ ءۇشىن قولدانىستاعى سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسى (سماج) نەگىزىندە بىرىڭعاي سالالىق تسيفرلىق پلاتفورما قۇرۋدى ۇسىندى.
ونىڭ ايتۋىنشا, قازىرگى ۋاقىتتا فەرمەرلەر سۋبسيديالاردى ءۇش ءتۇرلى مەملەكەتتىك ورگاننان جانە ءۇش ءتۇرلى اقپاراتتىق جۇيە ارقىلى الىپ وتىر: اشم, سيم, ال جاقىن ارادا ءتسدياوم-دە فەرمەرلەرگە ينتەرنەت پايدالانۋ بويىنشا سۋبسيديالاۋ جۇيەسىن ىسكە قوسۋ جوسپارلانىپ وتىر. ءارتۇرلى جۇيەدە جۇمىس ىستەۋ پايدالانۋشىلار ءۇشىن قيىندىقتار تۋعىزۋدا. ۆيتسە-مينيستر بارلىق جۇرگىزىلگەن جانە اياقتالىپ جاتقان ينتەگراتسيالاردى ەسكەرە وتىرىپ, سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسى (سماج) اوك سالاسىنداعى بارلىق قىزمەتتەرگە سۋبسيديا بەرۋدىڭ بىرىڭعاي سالالىق پلاتفورماسى بولۋعا دايىن ەكەنىن مالىمدەدى.
فەرمەرلەردەن سۋبسيديا تولەۋ ۇدەرىسىنىڭ ۇزاققا سوزىلۋىنا بايلانىستى كەلىپ تۇسكەن كوپتەگەن ءوتىنىشتى ەسكەرە وتىرىپ, ۆيتسە-پرەمەر اۋىل شارۋاشىلىعى مينيسترلىگىنە سماج جۇيەسىندە جىلعا بولىنگەن قارجى شەڭبەرىندە سۋبسيديا تولەۋ وتىنىمدەرىنىڭ ەلەكتروندىق كەزەگىن قالىپتاستىرۋ مۇمكىندىگىن ىسكە اسىرۋدى تاپسىردى. جاڭا جاڭارتۋلار مەملەكەت تاراپىنان فەرمەرلەردى قولداۋعا بولىنگەن جىلدىق بيۋدجەتتى اۆتوماتتى تۇردە ەسەپتەپ, كەلەسى كەزەڭگە كەزەك قالىپتاستىرىپ وتىرۋعا ءتيىس. بۇل رەتتە بيىلعا قارىز قالدىرىلمايدى.
تاعى ءبىر ماڭىزدى تسيفرلىق جاڭالىق – اۋىل شارۋاشىلىعى تەحنيكاسىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بىرىڭعاي تسيفرلىق پلاتفورماسىندا («حقو 2.0» اج) ەسەپكە الۋ جۇيەسىن ەنگىزۋ. بۇل اۋىل شارۋاشىلىعى تەحنيكاسىن ارنايى حقو-لاردا تىركەۋگە مۇمكىندىك بەرەدى.
«وتكەن جىلى الماتى مەن قوستانايدا «حقو 2.0» اج ازىرلەنگەن فۋنكتسيونالىندا ماشينالاردى باستاپقى تىركەۋ بويىنشا قاناتقاقتى جوبا ءساتتى ىسكە اسىرىلدى, دەدى ب.بەكباۋوۆ.
«ازاماتتارعا ارنالعان ۇكىمەت» كورپوراتسياسىمەن بىرلەسىپ, بەس ءتۇرلى مەملەكەتتىك قىزمەتتى كەزەڭ-كەزەڭىمەن جۇزەگە اسىرۋ جوسپارى ازىرلەندى: قايتا تىركەۋ, ەسەپتەن شىعارۋ, نومىرلىك بەلگىلەردى الۋ, اۋىل شارۋاشىلىعى تەحنيكاسى تۋرالى دەرەكتەردى وزەكتەندىرۋ, كەپىلدەر تۋرالى انىقتامالار بەرۋ.
كەڭەستە وسىمدىك شارۋاشىلىعىنداعى باقىلاۋ جۇيەسىن ء(وشبج) ەنگىزۋ بارىسى دا قارالدى. جۇيە استىقپەن جاسالاتىن وپەراتسيالارعا – ەگىستىك القابىنان باستاپ دايىن ونىمگە دەيىن باعىتتالعان. ول ونىڭ ساقتالۋى مەن ساتىلۋ جولىن, ەكسپورتتىق وپەراتسيالارعا دەيىنگى ۇدەرىستەردى قاداعالاۋعا مۇمكىندىك بەرەدى. ۇقساس ءتاسىل اۋىل شارۋاشىلىعى ونىمدەرىن يمپورتتاۋ كەزىندە دە قولدانىلادى, بۇل «كولەڭكەلى» سحەمالاردى جويۋعا كومەكتەسەدى.
«بيىل جىل باسىنان باستاپ اقمولا وبلىسىندا جۇيەنى تەستىلەۋگە ارنالعان قاناتقاقتى جوبا ىسكە قوسىلدى. وندا پايدالانۋشىلاردىڭ اۆتوريزاتسياسى مەن جۇيەمەن جۇمىس ىستەۋ فۋنكتسيونالى قامتىلعان», دەپ اتاپ ءوتتى ۆيتسە-مينيستر.
اۋىل شارۋاشىلىعى تاۋارىن وندىرۋشىلەر مەن اۋىل شارۋاشىلىعى باسقارمالارىنىڭ قىزمەتكەرلەرىنە ارنالعان وقىتۋ ءىس-شارالارى وتكىزىلدى. قازىردە قاناتقاقتى جوباعا 100-دەن استام ادام قاتىسۋدا, ولاردىڭ قاتارىندا اۋىل شارۋاشىلىعى ونىمدەرىن وندىرۋشىلەر, ساقتاۋ جانە ساتۋ پروتسەسىمەن اينالىساتىندار بار. جۇيەنى رەسپۋبليكا بويىنشا ىسكە قوسۋ بيىل قىركۇيەك ايىنا جوسپارلانعان.
ەگىس القاپتارىنىڭ ناقتى كولەمى, وڭدەلگەن جەرلەر مەن ءونىم جيناۋ تۋرالى دەرەكتەردى الۋ ماقساتىندا ءوشبج جۇيەسىندە «قازاقستان عارىش ساپارى» اق الەۋەتى پايدالانىلاتىن بولادى.
