فوتو: اشىق دەرەككوز
12 ءساۋىر كۇنى قوستاناي وبلىسىندا, 13-14 ساۋىردە اقمولا وبلىسىندا, ال 14 ساۋىردە پاۆلودار, قاراعاندى, شىعىس قازاقستان, الماتى, اباي جانە جەتىسۋ وبلىستارىندا جاۋىن-شاشىن كۇتىلۋدە. سول كۇنى ۇلىتاۋ وبلىسىندا دا جاڭبىر نەمەسە قار جاۋى ىقتيمال. رەسپۋبليكا بويىنشا تۇمان ءتۇسۋى مۇمكىن.
سۋىق اۋا ماسسالارىنىڭ اسەرىنەن كەيبىر وڭىرلەردە اياز كۇتىلەدى. اتاپ ايتقاندا, 12 ساۋىرگە قاراعان ءتۇنى باتىس قازاقستان مەن اتىراۋ وبلىستارىندا, ال 12-14 ءساۋىر ارالىعىندا اقتوبە, 13-14 ساۋىردە قوستاناي, اقمولا جانە سولتۇستىك قازاقستان وبلىستارىندا 1-3 گرادۋس اياز بولجانىپ وتىر.
كۇندىزگى اۋا تەمپەراتۋراسى وڭىرلەرگە قاراي ءارتۇرلى بولادى:
- باتىس قازاقستاندا 13-20 گرادۋستان 17-23 گرادۋسقا دەيىن كوتەرىلەدى;
- وڭتۇستىك-باتىستا 15-20-دان 22-27 گرادۋسقا دەيىن جىلى بولادى;
- سولتۇستىك-باتىستا 8-15 گرادۋستان 12-20 گرادۋسقا دەيىن كوتەرىلەدى;
- سولتۇستىك پەن ورتالىق وڭىرلەردە 20-25 گرادۋستان 10-15 گرادۋسقا دەيىن سالقىندايدى;
- شىعىستا 23-29 گرادۋستان 12-20 گرادۋسقا دەيىن تومەندەيدى;
- وڭتۇستىكتە 28-33 گرادۋستان 23-28 گرادۋسقا دەيىن سالقىندايدى;
- وڭتۇستىك-شىعىستا 23-33 گرادۋستان 18-25 گرادۋسقا دەيىن تومەندەيدى دەپ بولجانعان.
ماماندار تۇرعىنداردى اۋا رايىنىڭ كۇرت وزگەرىستەرىنە دايىن بولۋعا جانە قاۋىپسىزدىك شارالارىن ساقتاۋعا شاقىرادى.
