فوتو: اقوردا
ەكولوگيالىق جاعدايدى جاقسارتىپ, قالا تۇرعىندارىنا قولايلى ورتا قالىپتاستىرۋ ءۇشىن الداعى جىلدارى 1 ميلليون تۇپتەن استام اعاش كوشەتى وتىرعىزىلماق. شاھارداعى 12 ساياباقتى اباتتاندىرۋ, سونداي-اق گۇلزارلاردى, قوشقار اتا وزەنىنىڭ جاعالاۋى مەن ارىقتاردى تازالاۋ جۇمىستارى جۇرگىزىلىپ جاتىر. بۇرىنعى قوقىس پوليگونىنىڭ ورنىندا ەكوپارك قۇرىلىسى قولعا الىندى.
بۇدان بولەك, پرەزيدەنتكە قىتايلىق Shaanxi Construction Engineering كومپانياسى ۇسىنعان قوقىس ورتەۋ زاۋىتىنىڭ جوباسى تانىستىرىلدى. زاۋىت تاۋلىگىنە 1 مىڭ تونناعا دەيىنگى قاتتى تۇرمىستىق قالدىقتاردى قايتا وڭدەپ, ەلەكتر ەنەرگياسىن وندىرە الادى.
