قازىرگى تاڭدا وسىمدىك شارۋاشىلىعىمەن وبلىس بويىنشا 40 شارۋا قوجالىعى اينالىسۋدا.
بيىلعى جىلعى جوسپار بويىنشا 32000 گەكتار ەگىس القاپقا داقىلدار ەگىلەتىن بولادى. ونىڭ ىشىندە 22000 گەكتار بيداي.
وبلىستىق بيۋدجەتتەن 141 ملن تەڭگە قاراجات ءبولىندى. ونىڭ 121 ملن تەڭگەسى تىڭايتقىشتارعا, قالعانى تۇقىمعا بولىنگەن.
ديزەل وتىنمەن قامتاماسىز ەتۋ باعدارلاماسى بار. باعدارلاما اياسىندا بيىلعى وبلىستىڭ كەستەسىنە سايكەس 360 توننا ديزەل وتىنى ءبولىندى. ءليترى 254 تەڭگە بولىپ بەكىتىلدى.
«ەگىس جۇمىستارى ءساۋىر ايىنىڭ سوڭى مەن مامىر ايىنىڭ باسىندا باستالادى. ديزەل وتىنىمەن وسى ايدىڭ 20-نا دەيىن قامتاماسىز ەتىلەدى. بۇل ناۋقانعا 70-كە جۋىق تراكتور, كومباين, 150-گە جۋىق ادام تارتىلادى دەپ جوسپارلانىپ وتىر», دەيدى وبلىستىق اۋىل شارۋاشىلىعى باسقارماسىنىڭ ءبولىم باستىعى مۇقاعالي رامازان.
