«تسيفرلىق كوشپەلىلەر» دەگەن ۇعىم كەيىنگى جىلدارى پايدا بولدى. بۇل – الەمنىڭ كەز كەلگەن جەرىندە تۇرىپ, تسيفرلىق تەحنولوگيا سالاسىندا قاشىقتان جۇمىس ىستەيتىن ماماندار. سەسسيا بارىسىندا تارتىمدى ون ەلدىڭ قاتارىنا ەنۋگە ۇمتىلعان حالىقارالىق رەيتينگتى زەرتتەۋگە نازار اۋدارىلدى. بۇعان ستراتەگيالىق باستامانى جۇزەگە اسىرۋ ارقىلى قول جەتكىزۋگە بولادى. مىسالى, «Digital Nomad Visa» –12 ايعا بەرىلەتىن ەلەكتروندىق ۆيزا, ول كوپ مارتە ۆيزا الۋ جانە ىقتيارحاتقا ءوتىنىش بەرۋدى قاراستىرادى. سونداي-اق «Digital Nomad Residency» – شەتەلدىك IT-ماماندارعا ىقتيارحاتتى الۋعا جەڭىلدەتەتىن ونلاين قۇرال.
ء«بىز ەلىمىزدە جۇمىس ىستەيتىن حالىقارالىق IT-ماماندارىنا قولايلى جاعداي تۋدىرساق دەيمىز. جاڭا باستامانىڭ ارقاسىندا شەتەلدىك ماماندار وتاندىق جانە شەتەلدىك كومپانيالارمەن ەركىن جۇمىس ىستەيدى. سونداي-اق جەرگىلىكتى IT-ەكوجۇيەگە ينتەگراتسيالانۋعا مۇمكىندىك الادى. ءبىز ءاربىر «تسيفرلىق كوشپەلىگە» جان-جاقتى قولداۋ كورسەتەمىز. ماقساتىمىز – IT-مامانداردى تارتۋ عانا ەمەس, سونىمەن قاتار ولاردىڭ ەلىمىزدە كاسىبي جانە ىسكەرلىك وسۋىنە جاعداي جاساۋ», دەيدى «Astana Hub» قاتىسۋشىلاردى قولداۋ ءوفيسىنىڭ ديرەكتورى تالعات ماراتوۆ.
«Digital Nomad Residency» قاناتقاقتى جوباسى اياسىندا اقش, كانادا, گرەكيا جانە تمد ەلدەرىنەن كەلگەن ۇمىتكەرلەردى قوسا العاندا, بىرنەشە ءوتىنىم قابىلداندى. ايتا كەتەيىك, ەلىمىز IT-ماماندارعا بىرقاتار ءتيىمدى مۇمكىندىك ۇسىنادى. ماسەلەن, تابىس دەڭگەيىن راستايتىن تالاپ بولمايدى, ءوتىنىمدى ونلاين تاپسىرادى جانە ەلىمىزدە ۇزاق ۋاقىت تۇرا الادى.
قايسار قۇسايىن
