سول ۋاقىتتا سمگ ءوندىرىسىنىڭ وزىندىك قۇنى تونناسىنا 60–70 مىڭ تەڭگە ارالىعىندا بولعانىمەن, شەكتى كوتەرمە باعا تونناسىنا 45 158 تەڭگە دەپ بەكىتىلدى. مينيسترلىك وسى جىلدىڭ 1 قاڭتارىنان باستاپ وزگەرىسسىز قالدىرۋ تۋرالى بۇيرىق جوباسىن جاريالادى. ول بۇيرىق بيىل 30 ماۋسىمعا دەيىن تۇراقتى ساقتالادى. ويتكەنى باعانىڭ وزگەرۋى زاۋىتتاردىڭ دا شىعىنعا ۇشىراۋىنا اكەلدى (زاۋىتتار تونناسىنا 20 000–25 000 تەڭگەگە شىعىندالادى).
2025 جىلدىڭ 1 اقپانىنان باستاپ ەلىمىزدىڭ بىرقاتار وڭىرىندە اۆتوگازدىڭ بولشەك ساۋداداعى باعاسىندا دا وزگەرىستەر بولدى. استانادا ءليترى 82 تەڭگەدەن 102 تەڭگەگە, الماتى قالاسىندا 89 تەڭگەدەن 102 تەڭگەگە دەيىن كوتەرىلدى. اتىراۋ جانە اقتوبە وبلىستارىندا باعا 59 تەڭگەدەن 77 تەڭگەگە قىمباتتادى. نارىقتاعى باعانىڭ جوعارىلاۋىنا بىرنەشە سەبەپ بار, ونىڭ ماڭىزدىلارى – سمگ ءوندىرۋدىڭ وزىندىك قۇنىنىڭ جوعارى بولۋى جانە رەنتابەلدىلىكتىڭ تومەندەۋى.
جاقىندا ەنەرگەتيكا مينيسترلىگى مەن «تەڭىزشەۆرويل» جشس كەلىسىمگە قول قويدى. تاراپتار جۇرگىزگەن كەلىسسوز ناتيجەسىندە جىل سايىن ىشكى نارىققا سۇيىتىلعان گاز جەتكىزىلمەك.
«كەلىسىمنىڭ جاسالۋى – رەسپۋبليكانىڭ سۇيىتىلعان مۇناي گازىنا دەگەن ىشكى قاجەتتىلىگىن قامتاماسىز ەتۋدەگى ماڭىزدى قادام. «تەڭىزشەۆرويلدان» جەتكىزىلەتىن كەپىلدەندىرىلگەن گاز ىشكى نارىقتاعى تاپشىلىقتى ازايتۋعا, وسى ءونىمدى تۇتىنۋشىلار ءۇشىن قولايلى جاعداي جاساۋعا مۇمكىندىك بەرەدى», دەدى ەنەرگەتيكا ۆيتسە-ءمينيسترى الىبەك جاماۋوۆ.
تشو باس ديرەكتورى كەۆين لايوننىڭ سوزىنشە, «تەڭىزشەۆرويل» وسى ستراتەگيالىق ماڭىزدى سالاداعى الەۋەتتى مۇمكىندىكتەردى زەرتتەۋ ءۇشىن قازاقستانمەن ىنتىماقتاستىقتى جالعاستىرادى. ء«بىز ەنەرگەتيكا مينيسترلىگىنىڭ ماقساتتارىنا قولداۋ كورسەتەمىز, ەلدىڭ ونەركاسىپتىك جانە ەكونوميكالىق دامۋىنا ءوز ۇلەسىمىزدى قوسۋعا تىرىسامىز», دەيدى كەۆين لايون.
