اقتاۋ. 5 مامىر. اقتاۋ قالاسىندا بيزنەستى قولداۋ مەن دامىتۋعا ارنالعان بىرەگەي باعدارلاما اياسىندا الەۋەتتى قاتىسۋشىلارمەن كەزدەسۋ ءوتتى. بۇل تۋرالى egemen.kz ءتىلشىسى حابارلادى.
«دامۋ» كاسىپكەرلىكتى دامىتۋ قورى» اق-نىڭ باسقارۋشى ديرەكتورى, ايماقتاعى فيليالداردىڭ دامۋى مەن ۇيلەستىگى جونىندەگى ديرەكتورى س.احىلبەكوۆ جانە «دامۋ» كاسىپكەرلىكتى دامىتۋ قورى» اق-نىڭ سۋبسيديالاۋ دەپارتامەنتىنىڭ ديرەكتورى ر.تيۋللەگەنوۆ ىسساپارمەن ماڭعىستاۋ وبلىسىنا كەلگەن بولاتىن.
اقتاۋ قالاسىنداعى كاسىپكەرلەرگە قىزمەت كورسەتۋ ورتالىعىندا «دامۋ» كاسىپكەرلىكتى دامىتۋ قورى» اق-نىڭ قۇرىلىمدىق بولىمشە باسشىلارى بىرەگەي باعدارلامانىڭ شارتتارىن ءتۇسىندىرۋ ماقساتىندا ەكىنشى دەڭگەيلى بانكتەردىڭ فيليال ديرەكتورلارى جانە وكىلدەرىمەن كەزدەسۋ وتكىزدى.
ماڭعىستاۋ وبلىسى بويىنشا ايماقتىق كاسىپكەرلەر پالاتاسىنىڭ ديرەكتورى ج.دوسپاەۆپەن كەزدەسىپ, وبلىستاعى كاسىپكەرلىكتى دامىتۋ جايىندا سۇراقتار تالقىلاندى. سونداي-اق, «دامۋ» كاسىپكەرلىكتى دامىتۋ قورى» اق-نىڭ قۇرىلىمدىق بولىمشە باسشىلارى اقتاۋ قالاسىنىڭ كاسىپكەرلەرىمەن جاقىن تانىسۋ ءۇشىن, بىرەگەي باعدارلامانىڭ الەۋەتتى قاتىسۋشىلارىنىڭ بىرنەشە وبەكتىلەرىندە بولدى.
ماڭعىستاۋ وبلىسىنداعى كوپتەگەن ءىرى كومپانيالارعا مەملەكەت تاراپىنان قولداۋلار كورسەتىلگەن, وسى جوبالاردىڭ ىشىندە ءونىم وندىرۋمەن اينالىساتىن BUTA production جشس بار. بۇل كومپانيا پايىز بولىگىنىڭ مولشەرلەمەسىن تومەندەتۋ ءۇشىن سۋبسيديا جانە نەسيە بويىنشا كەپىلدەمە العان. كومپانيا باسشىسى م.افانديەۆ ءوندىرىسىن كەڭەيتۋ ماقساتىندا «دامۋ-ءوندىرىس III» باعدارلاماسىنا قاتىسۋعا بەل بۋىپ وتىر.
بىرەگەي باعدارلامانىڭ الەۋەتتى قاتىسۋشىلارىنىڭ ءبىرى «دوستار كومپاني» كومپانياسى. بۇل كومپانيا كاسپي تەڭىزىنىڭ جاعالاۋىندا قوناق ۇيلەر مەن دەمالىس ورىندارىنىڭ قۇرىلىس جۇمىستارىن جۇرگىزۋمەن اينالىسادى. كومپانيا باسشىسى ت.ابدىكارىموۆتىڭ وبلىستا ءتۋريزمنىڭ دامۋىنا سالىنىپ جاتقان نىسانداردىڭ ىقپالى تيەتىنىنە سەنىمى مول. ول بىرەگەي باعدارلاماداعى پايىز بولىگىنىڭ مولشەرلەمەسىن تومەندەتۋ ماقساتىندا مەملەكەتتىك سۋبسيديانى الۋعا قاتىساتىندىعىن ايتتى.
گۇلايىم شىنتەمىرقىزى.
دەرەك, سۋرەت egemen.kz.
