ءىس-شاراعا قوستاناي وبلىسى پد باستىعى ەرلان فايزۋللين, وبلىس پروكۋرورىنىڭ ءبىرىنشى ورىنباسارى باۋىرجان بەكبوسىنوۆ, قىلمىستىق ىستەر جونىندەگى مامانداندىرىلعان اۋدانارالىق سوتتىڭ توراعاسى جولدىباي مەتاەۆ, وبلىس اكىمى اپپاراتى باسشىسىنىڭ م.ا. ءالفيا مۇساباەۆا, ز.الدامجار اتىنداعى قوستاناي الەۋمەتتىك-تەحنيكالىق ۋنيۆەرسيتەتىنىڭ ءبىرىنشى پرورەكتورى داستان بەكوۆ, وبلىستىق پسيحيكالىق دەنساۋلىق ورتالىعىنىڭ پسيحولوگ-ناركولوگى گۇلسىم بيسىمباەۆا قاتىستى.
قۇزىرلى ورگانداردىڭ وكىلدەرى جاستارعا ەسىرتكىنىڭ زاڭسىز اينالىمىنا قاتىستى قىلمىس ستايستيكاسى جونىندە مالىمەت بەرىپ, اتالعان قىلمىستىڭ جازاسى اۋىر ەكەنىن ايتتى. سونداي-اق, ناقتى مىسالدار كەلتىرە وتىرىپ, ەسىرتكى زاتتارىنىڭ ادام دەنساۋلىعىنا كەلتىرەتىن زيانى جونىندە اڭگىمەلەدى.
اشىق ديالوگ بارىسىندا ستۋدەنتتەر ەسىرتكىمەن كۇرەسۋ ءۇشىن قانداي شارالار قابىلدانادى, ناشاقورلىقتىڭ الدىن الۋعا جاستار قانداي ۇلەس قوسا الادى دەگەن سياقتى ءبىرتالاي ساۋالعا تولىمدى جاۋاپ الدى.
جيىن بارىسىندا «ەسىرتكىگە قارسى ۇزدىك بەينەروليك» شىعارماشىلىق بايقاۋىنىڭ قورىتىندىسى شىعارىلدى. قازىلار القاسىنىڭ شەشىمىمەن ءۇشىنشى ورىندى قازتۇتىنۋوداعى قوستاناي جوعارى كوللەدجىنىڭ ستۋدەنتى دەنيس نيكيتين, ەكىنشى ورىندى قوستاناي يندۋستريالدى پەداگوگيكالىق كوللەدجىنىڭ ستۋدەنتى نيكيتا گيرش, ءبىرىنشى ورىندى پوليتيحنيكالىق جوعارى كوللەدجدىڭ ستۋدەنتى ولگا ساباكار الدى. جۇلدەگەرلەر ەستەلىك سىيلىقتارمەن جانە گراموتالارمەن ماراپاتتالدى.
فورۋم اياسىندا قازىرگى تاڭدا قىلمىسقا قارسى كۇرەستە قولدانىلاتىن ارنايى تەحنيكا, كريميناليستيكالىق زەرتحانا قۇرىلعىلارى, قارۋ-جاراق ۇلگىلەرىنىڭ كورمەسى اشىلدى.
قوستاناي وبلىسى
