كاسىپورىندا تاۋلىگىنە 2 مىڭ تونناعا دەيىن قالدىق وڭدەلىپ, 60 مۆت ەلەكتر قۋاتى وندىرىلەدى دەپ كۇتىلۋدە.
سونداي-اق 2029 جىلعا قاراي قالدىقتاردى قايتا وڭدەۋ ۇلەسىن 80% -عا دەيىن جەتكىزەدى. قۇرىلىستى 2025 جىلدىڭ كۇزىندە باستاۋ جوسپارلانىپ وتىر.
«قازىرگى ۋاقىتتا ۇكىمەتپەن ينۆەستيتسيالار تۋرالى كەلىسىمگە قول قويۋ ماسەلەسى پىسىقتالۋدا» دەيدى الماتى اكىمدىگى تاراتقان ءباسپاسوز حابارلاماسىندا.
اقپاراتقا قاراعاندا, جوبانىڭ باس مەردىگەرى بولىپ CRCC مەملەكەتتىك كورپوراتسياسىنىڭ ەنشىلەسى بولىپ تابىلاتىن China Civil Engineering Construction Corporation انىقتالدى.
بۇدان باسقا, قىتايلىق ينۆەستور كادرلار دايارلاۋ جونىندەگى وڭىرلىك وقۋ ورتالىعىن قۇرۋعا نيەتتى. ول قازاقستان, ورتالىق ازيا, موڭعوليا, يران جانە اۋعانستان ەلدەرىنىڭ جاس ماماندارىن وقىتۋعا باعىتتالادى.
