سولتۇستىك قازاقستانداعى قۇس فابريكاسىندا 0,5 ملن. قۇس وسىرىلەدى

پەتروپاۆل. 11 اقپان. سولتۇستىك قازاقستاننىڭ قىزىلجار اۋدانىندا ورنالاسقان «الەكري» قۇس فابريكاسى وزىق تەحنولوگيالاردى ىسكە قوسۋدىڭ ارقاسىندا كۇنىنە 400 مىڭ دانا جۇمىرتقا الۋ مۇمكىندىگىنە يە بولدى. بۇل تۋرالى egemen.kz. ءتىلشىسى حابارلادى. كاسىپورىن ەلىمىزدىڭ نارىعىندا 15 جىلعا جۋىق جۇمىس ىستەپ كەلەدى. وسى ۋاقىت ارالىعىندا 6 قۋاتتى وندىرىستىك تسەح پايدالانۋعا بەرىلدى. مەملەكەتتەن جەڭىلدىكپەن ءبىر ميلليون دوللار قاراجاتقا 120 مىڭ باس قۇسقا ارنالعان ەكى قاباتتى كەشەن سالىندى. سۋبسيديا ەسەبىنەن ءونىمنىڭ وزىندىك قۇنى ارزانداپ, قولجەتىمدى باعا تۇتىنۋشىلاردى قاناعاتتاندىرادى. 495 مىڭ باس مەكيەندى باعىپ-قاعۋ جۇمىستارىمەن 50 ادام اينالىسادى. بىلتىر 100 ميلليون دانا جۇمىرتقا ءوندىرىلىپ, وننان ءبىر بولىگى رەسەيگە جونەلتىلدى. بيىلعى مەجە – 20 ميلليون دانا جۇمىرتقا الۋ, دەيدى مەكەمەنىڭ ديرەكتورى ليۋدميلا مۋحامەدوۆا. ءومىر ەسقالي. دەرەك: egemen.kz. سۋرەت: petropavl.sko.kz.