اتالعان ءىس-شارانى «Debat Eli» قوعامدىق قورى قر وقۋ-اعارتۋ مينيسترلىگىنە قاراستى رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىمەن بىرلەسە وتىرىپ ۇيىمداستىرىپ وتىر. اكادەميانىڭ باستى ماقساتى – پىكىرسايىس ارقىلى جاستاردىڭ ويلاۋ قابىلەتىن دامىتۋ, شەشەندىك ونەرىن شىڭداۋ جانە پاتريوتتىق رۋحىن ارتتىرۋ.
ەكى ليگا – ەكى باعىت
اكادەمياعا ىرىكتەلگەن 50 قاتىسۋشى قازاق جانە اعىلشىن تىلىندە وتەتىن ەكى ليگاعا بولىنەدى.
قازاق ليگاسىندا تانىمال جاتتىقتىرۋشىلار مەن پىكىرسايىس چەمپيوندارى ترەنينگتەر جۇرگىزىپ, قاتىسۋشىلارعا شەشەندىك ونەر مەن ستراتەگيالىق ويلاۋدىڭ قىر-سىرىن ۇيرەتەدى.
اعىلشىن ليگاسىندا قاتىسۋشىلارعا شەتەلدەن ارنايى شاقىرىلعان حالىقارالىق دەڭگەيدەگى سپيكەرلەر ساباق بەرەدى. بۇل – اعىلشىن تىلىندەگى پىكىرسايىس شەبەرلىگىن دامىتۋمەن قاتار, الەمدىك دەبات مادەنيەتىمەن تانىسۋدىڭ تاپتىرماس مۇمكىندىگى.
قاتىسۋ شارتتارى
اكادەمياعا قاتىسۋ ءۇشىن ۇمىتكەرلەر 8-24 ءساۋىر ارالىعىندا ارنايى تىركەۋ فورماسىن تولتىرىپ, 600 سيمۆولدان اسپايتىن موتيۆاتسيالىق حات تاپسىرۋى قاجەت.
ىرىكتەۋ كەزەڭدەرى:
25 ءساۋىر – موتيۆاتسيالىق حاتتار نەگىزىندە ىرىكتەلگەن قاتىسۋشىلار ءتىزىمى جاريالانادى;
28 ءساۋىر - 2 مامىر – ۇمىتكەرلەر ونلاين سۇحباتتان وتەدى;
5 مامىر – ءار ليگا بويىنشا 25 ۇزدىك قاتىسۋشىنىڭ فينالدىق ءتىزىمى www.debateli.kz سايتىندا جانە @rumcdo_official Instagram پاراقشاسىندا جاريالانادى.
بارلىعى – قاتىسۋشىلار ءۇشىن
اكادەمياعا قاتىسۋ تەگىن. ۇيىمداستىرۋشىلار تاراپىنان جاتىن ورىن مەن ءۇش مەزگىل تاماقپەن قامتاماسىز ەتىلەدى. جول شىعىندارى قاتىسۋشىلاردى جىبەرۋشى تاراپتىڭ ەسەبىنەن قاراستىرىلادى.
«Debat Eli Academy» – بۇل جاي عانا وقۋ باعدارلاماسى ەمەس. بۇل – پىكىرسايىس مادەنيەتى ارقىلى جەكە دامۋ, جاڭاشىل ويلاۋ جانە جاڭا دوستار تابۋدىڭ ەرەكشە الاڭى. قازاقستاننىڭ تۇكپىر-تۇكپىرىنەن كەلگەن جاس دەباتەرلەر ءۇشىن بۇل اكادەميا جازعى ماۋسىمداعى ۇمىتىلماس تاجىريبە مەن شابىتتىڭ قاينار كوزى بولماق.
