Almaty.tv دەرەگىنشە, قالاداعى جاعدايدى بىلتىرعى كوكتەمگى سۋ تاسقىنى ودان سايىن قيىنداتقان كورىنەدى. اتىراۋ تۇرعىندارى سوڭعى كەزدە جاندىكتەردىڭ شامادان تىس كوبەيگەنىن ايتادى. ولار «قىرۋار قارجى بولىنسە دە, دەزينسەكتسيالاۋ جۇمىستارىن كورىپ جاتقان جوقپىز» دەپ ناليدى.
اۋا رايىنىڭ كۇرت جىلىنۋىنا بايلانىستى ماسامەن كۇرەس جۇمىستارى ەرتە باستالدى. شەنەۋنىكتەر بۇل شارۋاعا اشىق كونكۋرس ارقىلى ەكى بىردەي كومپانيانى تارتىپتى.
«قالا اۋماعىن ەكىگە بولدىك. اشىق كونكۋرس جاريالادىق. جەڭىمپازدار انىقتالدى. ءبىرى 99 ملن تەڭگەگە قالانىڭ وڭ جاعىن, ەكىنشى مەردىگەر 93 ملن تەڭگەگە سول جاعىن ماسادان تازارتادى. اتالعان قوس مەكەمە جۇمىستى ساۋىردەن باستادى. كوپقاباتتى تۇرعىن ۇيلەر مەن ساياباقتاردى ۋلاۋعا بىلەك سىبانا كىرىستى», دەيدى تۇكش جانە تۇرعىن ءۇي ينسپەكتسياسىنىڭ باس مامانى ەلتاي ايباتوۆ.
قالا اكىمدىگى ماسانى ۋلاۋ جۇمىستارىنا بىلتىرعىدان 2 ەسە كوپ قارجى بولگەن. الدىمەن كوپقاباتتى ۇيلەردىڭ جەرتولەلەرى مەن جايىق وزەنىنىڭ جاعاسى, سوسىن ساياباقتار دەزينسەكتسيالانباق.
