تالدىقورعاندا «جەتىسۋ ءبورىسىنىڭ» جەڭىمپازدارى انىقتالدى

تالدىقورعان. 5 مامىر. تالدىقورعاندا قازاق كۇرەسىنەن «جەتىسۋ ءبورىسى» وبلىستىق ىرىكتەۋ ءتۋرنيرى بولىپ ءوتتى. بۇل تۋرالى egemen.kz ءتىلشىسى حابارلادى. سالتاناتتى شارانىڭ اشىلۋ راسىمىندە الماتى وبلىسى اكىمىنىڭ ورىنباسارى سەرىك تۇرداليەۆ قۇتتىقتاۋ ءسوز سويلەپ, جارىسقا قاتىسۋشىلارعا ساتتىلىك تىلەدى. ءدۇبىرلى دوداعا وڭىردەگى 16 اۋدان مەن 3 قالادان بارلىعى 37 پالۋان قاتىستى. فينالدىق ىرىكتەۋ ناتيجەسى بويىنشا قاراساي اۋدانىنىڭ قوس پالۋانى ا.كاساچەۆ ءى  ورىندى, ق. رامازانوۆ ءىى ورىندى يەلەندى. ال كوكسۋلىق ا. قاڭلىباەۆ ءىىى ورىنعا تابان تىرەدى. ەستەرىڭزگە سالا كەتەيىك, «جەتىسۋ ءبورىسى» باسەكەسىنەن العاشقى ەكى ورىندى جەڭىپ العان قوس پالۋان اعىمداعى جىلعى 5 شىلدەدە استانا قالاسىندا وتەتىن قازاقستان رەسپۋبليكاسى پرەزيدەنتىنىڭ جۇلدەسىنە ارنالعان «قازاقستان بارىسى» رەسپۋبليكالىق تۋرنيرىنە قاتىسادى. نۇربول الدىباەۆ. دەرەك: egemen.kz. سۋرەت: zhetysu.gov.kz.