ەلىمىزدە پلاستيك ونىمدەرىمەن جۇمىس ىستەۋدى ىلگەرىلەتىپ, قولداۋ باعىتىندا «Smart Plastic Zone» جاڭا جوباسى ىسكە قوسىلدى. «GPI-Lab» جشس جانە GreenUrban قاۋىمداستىعى جۇزەگە اسىراتىن جوبانىڭ ماقساتى – پلاستيكپەن جۇمىس ىستەۋدىڭ تۇراقتى ادىستەرىنە كوشىپ, ەكولوگيالىق, الەۋمەتتىك جانە كورپوراتيۆتىك جاۋاپكەرشىلىك (ESG) قاعيداتتارىن ۇستانۋدىڭ ماڭىزدىلىعىن ۇعىندىرۋ. ياعني جوباعا قاتىسۋشى كومپانيا نەمەسە ءار ادام پلاستيك قالدىقتارىن ازايتۋعا ۇلەسىن قوسىپ, ەكولوگيالىق تازا بولاشاقتى قولداۋعا سەپتىگىن تيگىزەدى.
جوباعا قاتىسۋشىلار ەكى نوميناتسيا بويىنشا اتقارعان جۇمىستارىن ۇسىنا الادى. ماسەلەن Smart Plastic Zone (Silver) نوميناتسياسى پلاستيكتى تۇراقتى پايدالانۋعا قادام جاساعاندار اراسىنداعى ۇزدىكتەرگە بەرىلەدى. ال Smart Plastic Zone (Gold) اتالىمىندا ءوز قىزمەتىندە ەكولوگيالىق تاجىريبەنى بەلسەندى قولداپ جۇزەگە اسىرىپ كەلە جاتقان كوشباسشىلار ماراپاتتالادى.
ۇمىتكەرلەر اتقارعان جۇمىستارىنىڭ قورىتىندىسىن GPI.KZ سايتى ارقىلى جولداپ, ىرىكتەۋدەن وتكەندەرگە «Smart Plastic Zone» بەلگىسى بەرىلەدى. بۇل ەڭ جاۋاپتى جانە ەكولوگياعا زيان كەلتىرمەيتىن تازا بيزنەستىڭ وزىق ۇلگىسى سانالادى.
پيلوتتىق جوبا بيىل استانا, الماتى جانە قاراعاندى قالالارىندا جۇزەگە استى. سىناق كەزەڭى ءساتتى اياقتالعان سوڭ ەلىمىزدىڭ بارلىق ءوڭىرىن قامتىماق. بۇل جوبا پلاستيكالىق قالدىقتاردى ازايتىپ, ەلدىڭ بولاشاعى ءۇشىن ماڭىزدى ەكولوگيالىق ستاندارتتاردى ساقتاۋعا سەرپىن بەرمەك. ءىس-شارا قورىتىندىسىندا قاناتقاقتى جوباعا ۇلەس قوسقان بىرقاتار ازاماتتار ماراپاتتالدى.
