پاۆلودار وبلىسىنىڭ تابيعات قورعاۋ پروكۋراتۋراسى سۋ زاڭناماسىنىڭ ساقتالۋىن تالدادى.
«سۋ كودەكسى اۋىل تۇرعىندارى ءۇشىن سۋدىڭ قۇنىن تومەندەتۋگە باعىتتالعان سۋبسيديالاۋ مەحانيزمىن قاراستىرادى. الايدا, وبلىستىڭ بىرقاتار اۋىلدىق ەلدى مەكەندەرىندە ءماسليحاتتىڭ شەشىمىمەن تەك توپتىق سۋ جەتكىزۋ جۇيەلەرىنەن الىناتىن اۋىز سۋدىڭ قۇنى بەكىتىلگەن. ال جەرگىلىكتى جۇيەلەردەن ء(بىر ەلدى مەكەننىڭ سۋ قۇبىرى) سۋ جەتكىزۋ قۇنى بەلگىلەنبەگەن. بۇل سۋ جەتكىزۋشى كاسىپورىنداردىڭ سۋبسيديا الۋىنا كەدەرگى جاسادى. سەبەبى سۋبسيديالاردىڭ مولشەرى ماسليحاتپەن بەكىتىلگەن تەكشە مەترلىك سۋ قۇنىنا نەگىزدەلەدى», دەپ حابارلادى وڭىرلىك تابيعات قورعاۋ پروكۋراتۋراسىنان.
تابيعات قورعاۋ پروكۋرورىنىڭ نارازىلىعىمەن ءماسليحاتتىڭ تەك توپتىق جۇيەلەردەن الىناتىن اۋىز سۋدىڭ قۇنىن رەتتەيتىن شەشىمى جويىلىپ, بارلىق سۋ جەتكىزۋ كوزدەرىن قاراستىراتىن جاڭا نورماتيۆتىك قۇقىقتىق اكتى قابىلداندى. ەندى ماسليحاتتىڭ جاڭا شەشىمى بويىنشا 1 م³ پايدالانىلاتىن اۋىزسۋ ءۇشىن 185 تەڭگە كولەمىندە تولەماقى بەلگىلەندى. بۇل بۇرىنعى تاريفتەردەن ورتاشا 30%-عا تومەن.
وبلىس بويىنشا 45 مىڭ تۇتىنۋشى ءۇشىن سۋ ءتاريفى ارزانداپ وتىر.
