جول قوزعالىسى قاۋىپسىزدىگىن قامتاماسىز ەتۋ جانە تسيفرلىق تەحنولوگيالار ورتالىعىنىڭ ديرەكتورى جەكە كاسىپكەرمەن كەلىسە وتىرىپ, جول بەلگىلەرىن قويۋ جۇمىستارى ورىندالدى دەپ جالعان كەلىسىم-شارت جاساسقان. تەرگەۋ بارىسىندا جۇمىس ورىندالماي, بيۋدجەت قارجىسىنىڭ ەسەپشوتقا تۇسكەن بويى قولما-قول اقشاعا اۋدارىلعانى انىقتالدى.
قالالىق سوت ورتالىق ديرەكتورى مەن جەكە كاسىپكەردى قر قك 189-بابى 4- تارماعىمەن ايىپتى دەپ تانىپ, تاپسىرىس بەرۋشىنى 8 جىلعا, مەردىگەردى 7 جىلعا باس بوستاندىقتارىنان ايىرۋ جازاسىنا كەستى.
ۇكىم زاڭدى كۇشىنە ەنگەن جوق.
ورتالىق ديرەكتورى سەگىز جىل جازا مەرزىمىن وتەگەننەن كەيىن دە ءومىر بويى مەملەكەتتىك قىزمەتكە الىنبايدى. سونداي-اق, سوتتالۋشى مەردىگەر دە جازاسىن وتەگەننەن كەيىن 10 جىل كاسىپكەرلىكپەن اينالىسا المايدى.
