پەتروپاۆل. 5 مامىر. قىزىلجار اۋدانىنىڭ ورتالىعىندا ورنالاسقان بەسكول يپپودرومىندا ات بايگەسىنىڭ ماۋسىمى سالتاناتتى جاعدايدا اشىلىپ, استانادان, شورتاندىدان, رەسەيدىڭ ماگنيتوگورسك قالاسىنان جانە قىزىلجار وڭىرىنەن كەلگەن 50 شاباندوز ات جارىستارى باعدارلاماسى بويىنشا كوممەرتسيالىق سايىستارعا قاتىستى. بۇل تۋرالى وبلىستىق دەنەشىنىقتىرۋ جانە سپورت باسقارماسى حابارلادى.
وبلىس اكىمىنىڭ ءبىرىنشى ورىنباسارى ايداربەك ساپاروۆتىڭ قۇتتىقتاۋ تىلەگىنەن كەيىن ۇلتتىق سپورت مەرەكەسىن قىزىقتاۋشىلار الدىمەن جورعا جارىسىن تاماشالادى. 1600 مەترلىك قاشىقتىقتا ع. مۇسىرەپوۆ اۋدانىنىڭ نامىسىن قورعاعان لينارا ۋسمانوۆانىڭ «ميرات» ەسىمدى جۇيرىگى سورە سىزىعىن ءبىرىنشى قيدى. جەلىستى جىلقىلار سايىسىندا قىزىلجارلىق ارتەم چيبيسوۆتىڭ «گيگانتىنا تەڭ كەلەر سايگ ۇلىك تابىلمادى.15 شاقىرىمدىق الامان بايگەدە اناتولي پيپكونىڭ قىلقۇيرىعى توپ جاردى.
ات جارىستارىنىڭ باعدارلاماسىنا ەنگەن قۇنان بايگە, توپ بايگە جارىستارى دا كورەرمەندەردىڭ دەلەبەسىن قوزدىردى. ءومىر ەسقالي. دەرەك: سولتۇستىك قازاقستان وبلىستىق دەنەشىنىقتىرۋ جانە سپورت باسقارماسى. سۋرەت: egemen.kz
