سوعان سايكەس الداعى بەيسەنبىدە سەناتورلار «قازاقستان رەسپۋبليكاسى مەن كيپر رەسپۋبليكاسى اراسىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرالى» زاڭدى قارايدى. زاڭنىڭ ماقساتى كيپرمەن قىلمىستىق سوت ءىسىن جۇرگىزۋ سالاسىندا تولىق قۇقىقتىق بازا قالىپتاستىرۋ جانە شەتەلدە سوتتالعان ازاماتتاردى ەلگە قايتارۋ, ولاردىڭ قوعامعا تەز بەيىمدەلۋىنە ىقپال ەتۋ ەكەنىن اتاپ وتكەن ءجون.
كەلىسىمگە سايكەس تاراپتار ءوز ازاماتتارىن بەرۋ جونىندەگى مىندەتتەمەلەردى قابىلدايدى. ول ءۇشىن سوتتالۋشىنىڭ ەرىكتى كەلىسىمى, ونىڭ تاراپتاردىڭ ءبىرىنىڭ ازاماتى بولۋى جانە جاسالعان ارەكەت ەكى ەلدىڭ زاڭناماسى بويىنشا قىلمىس دەپ تانىلۋىمەن قاتار بىرقاتار نەگىزگى شارت ساقتالۋى قاجەت.
سونىمەن قاتار پالاتا وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ, ويىن بيزنەسى جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ءبىرىنشى وقىلىمدا قارالادى. زاڭ دەنساۋلىق ساقتاۋ سالاسىنداعى زاڭنامالىق رەتتەۋدى جەتىلدىرۋ, ويىن بيزنەسى سالاسىنداعى جارنامالىق قىزمەتتى رەتتەۋدى وڭتايلاندىرۋ, قۇمار ويىندارعا قاتىسۋدى باقىلاۋدى كۇشەيتۋ, سونداي-اق مىندەتتى مەديتسينالىق ساقتاندىرۋ جۇيەسىنىڭ اشىقتىعىن ارتتىرۋ ماقساتىمەن ازىرلەندى.
سونداي-اق بيۋرو مۇشەلەرى 11 ساۋىردە سوت جانە قۇقىق قورعاۋ جۇيەلەرىنىڭ جانە زاڭ شىعارۋ قىزمەتىنىڭ ساپاسىن ارتتىرۋ ماقساتىمەن مەملەكەتتىك ورگانداردىڭ زاڭ قىزمەتتەرىنىڭ كادرلىق الەۋەتىن نىعايتۋ اياسىندا زاڭ ءبىلىمىن دامىتۋ ماسەلەلەرى بويىنشا پارلامەنتتىك تىڭداۋ وتكىزۋ جونىندە ءتيىستى قاۋلى قابىلدادى.
بۇعان قوسا بيۋرو مۇشەلەرى وسى اپتادا وتەتىن كوميتەت وتىرىستارىندا قوزعالاتىن تاقىرىپتاردى تالقىلادى جانە وسىعان دەيىن ءماجىلىس قابىلداعان زاڭداردى جۇمىس ءۇشىن سەناتتىڭ تۇراقتى كوميتەتتەرىنە ءبولىپ بەردى.
