فوتو: polisia.kz
مەموراندۋمعا ساي ەندى زەلەنايا روششا, جاكسات اۋىلدارى كىرەتىن ءتورتۇي, تاي, كوكسيىر, قاراجار, مىڭتومار, اقشي اۋىلدارى جانە اقكول اۋىلدىق وكرۋگىندە الكوگول ونىمدەرى ساتىلمايدى.
ءىىم مەموروندۋم ماقساتىن وتباسىلىق-تۇرمىستىق قاتىناستار سالاسىندا ماس كۇيدە جاسالاتىن قىلمىستاردىڭ, قۇقىق بۇزۋشىلىقتاردىڭ, اۋىر جانە اسا اۋىر قىلمىستاردىڭ الدىن الۋ دەپ ءتۇسىندىردى.
ال اۋىل تۇرعىندارى الكوگولدەن باس تارتۋ - بۇل قاۋىپسىزدىكتىڭ كەپىلى عانا ەمەس, سونىمەن قاتار مادەنيەتتى, ۇلتتىق داستۇرلەردى جانە رۋحاني مۇرانى ساقتاۋ ەكەنىن ايتادى. بۇل جاقسى ءداستۇردى ساقتاۋ - ورتاق جاۋاپكەرشىلىك. ۇيىمشىلدىقتى, ءتارتىپ پەن تىنىشتىقتى سانالى تۇردە تاڭداۋ بۇكىل قوعامنىڭ ءومىرىن وزگەرتە الاتىندىعىنىڭ تىكەلەي دالەلى ەكەنىنە سەنىمدى.
ءىىم مالىمەتىنشە, 2024 جىلدىڭ مامىر ايىندا ەكىباستۇز ءوڭىرى بويىنشا كاسىپكەرلەرمەن الكوگول ءونىمىن ساتۋدان باس تارتۋ تۋرالى العاشقى مەموراندۋمعا قاراسور, قۇدايكول, قۇلاقول اۋىلدارىن قامتيتىن تەمىرجول اۋىلدىق وكرۋگتەرى قول قويعان. وتكەن كەزەڭدە بۇل اۋىلداردا الكوگولدى ساتۋعا بايلانىستى قۇقىق بۇزۋشىلىقتار تىركەلمەگەن.
