سولتۇستىك قازاقستاندا لاۋازىمدى تۇلعا پارامەن ۇستالدى

پەتروپاۆل. 11 اقپان. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى سولتۇستىك قازاقستان وبلىستىق دەراتامەنتىنىڭ باسشىسى شىڭعىس قابدولا باق وكىلدەرىمەن وتكىزگەن بريفينگتە سىبايلاس جەمقورلىقپەن كۇرەستىڭ ناقتى مىسالدارىن كەلتىرىپ, ۇستالعان بىرنەشە لاۋازىمدى تۇلعالاردىڭ ەسىمدەرىن اتادى. بۇل تۋرالى egemen.kz ءتىلشىسى حابارلادى. شىڭعىس قايىپ ۇلى كەلتىرگەن دەرەكتەر بويىنشا, وبلىستىق كىرىستەر دەپارتامەنتى ەكونوميكالىق تەرگەۋ قىزمەتىنىڭ جاۋاپتى تۇلعاسىنا قاتىستى قىلمىستىق ءىس قوزعالعان. ول قىزمەت بابىن جەكە مۇددەسىنە پايدالانا وتىرىپ, شاعىن جانە ورتا بيزنەس وكىلىنەن 8 مىڭ اقش دوللارى مولشەرىندە پارا بوپسالاعان كەزىندە قولعا تۇسكەن. پەتروپاۆل قالالىق سوتى كۇدىكتىنى ازىرگە كەپىلگە بوساتۋ تۋرالى بۇلتپارتاس شاراسىن قولدانعان. مەملەكەتتىك ساتىپ الۋعا دا تۇراقتى مونيتورينگ جۇرگىزىلىپ, سىبايلاس جەمقورلىقتى بولدىرماۋ, الدىن الۋ جۇمىستارى جۇرگىزىلۋدە. سونىڭ ناتيجەسىندە ءتيىستى ورگاندارعا 6 ۇيعارىم جىبەرىلىپ, 128 ميلليون تەڭگەنىڭ نەگىزسىز كونكۋرستارىنىڭ كۇشى جويىلدى, دەدى جۋرناليستەرگە بەرگەن سۇحباتىندا ش.قابدولا. ءومىر ەسقالي. دەرەك:egemen.kz. سۋرەت: news.nur.kz.