الداعى ءۇش كۇندە اۋا رايى تۇراقسىز بولادى

قازاقستاننىڭ باسىم بولىگىندە نايزاعاي, تۇمان جانە جەلدىڭ كۇشەيۋى كۇتىلەدى. باتىس, سولتۇستىك-باتىس, سولتۇستىك, ورتالىق جانە شىعىس ايماقتاردا قاتتى جاڭبىر جاۋادى, شىعىستا تۇنگى ۋاقىتتا قاتتى جاۋىن-شاشىن (جاڭبىر, قار) بولۋى مۇمكىن.

ەلدىڭ باتىسىندا تۇندە تەمپەراتۋرا 5-13 گرادۋس تسەلسيدەن 1-9 گرادۋسقا دەيىن تومەندەيدى, كۇندىز 15-25 گرادۋس ارالىعىنان 10-20 گرادۋسقا دەيىن تومەندەيدى.

سولتۇستىكتە جانە ورتالىقتا تۇندە تەمپەراتۋرا 0-8 گرادۋس ارالىعىنان 2-12 گرادۋسقا دەيىن اۋىتقيدى, كۇندىز 10-20 گرادۋس ارالىعىنان 17-25 گرادۋسقا دەيىن كوتەرىلەدى. شىعىستا تۇندە تەمپەراتۋرا 2 ايازدان 7 جىلۋعا دەيىن وزگەرىپ, 5 ايازعا دەيىن تومەندەۋى مۇمكىن, ال كۇندىز 13-21 گرادۋس ارالىعىنان 17-25 گرادۋسقا دەيىن بىرتىندەپ جوعارىلايدى.

وڭتۇستىكتە تۇندە تەمپەراتۋرا 10-15 گرادۋس جىلۋ بولادى, كۇندىز 20-28 گرادۋس ارالىعىنان 23-32 گرادۋسقا دەيىن كوتەرىلەدى.

وڭتۇستىك-شىعىستا تۇندە تەمپەراتۋرا 5-12 گرادۋس ارالىعىندا ازداپ تومەندەۋى كۇتىلۋدە, تاۋلى اۋدانداردا 3 ايازدان 2 جىلۋعا دەيىن, تاۋلى جەرلەردە 0-5 اياز بولادى. كۇندىز 15-25 گرادۋس ارالىعىنان 12-20 گرادۋسقا دەيىن جىلىنادى.