فوتو: officelife.media
ەكماننىڭ پىكىرىنشە, اتالعان باستاما ەلدى حالىقارالىق ەكونوميكالىق داعدارىسقا ۇرىندىرىپ, اقش-تىڭ جاھاندىق بەدەلىنە نۇقسان كەلتىرۋى مۇمكىن. ول بۇل ساياساتتى «ەكونوميكالىق يادرولىق سوعىس» دەپ اتاپ, بيزنەسكە ينۆەستيتسيالار توقتاپ, تۇتىنۋشىلار شىعىندارىن ازايتا باستايتىنىن ەسكەرتتى.
«بيزنەس – سەنىم ويىنى. پرەزيدەنت بۇكىلالەمدەگى بيزنەس كوشباسشىلارىنىڭ سەنىمىن جوعالتادى. پرەزيدەنتتى قولداعان ءبىزدىڭ ەلىمىز بەن ميلليونداعان ازاماتتارىمىز ءۇشىن, اتاپ ايتقاندا, ۇلكەن ەكونوميكالىق كۇيزەلىسكە ۇشىراعان تابىسى تومەن تۇتىنۋشىلار ءۇشىن سالدارى وتە جاعىمسىز بولادى. بۇل ءبىز داۋىس بەرگەن نارسە ەمەس», دەپ جازدى بيلل ەكمان.
ونىڭ ايتۋىنشا, تەك ءىرى كورپوراتسيالار عانا ەمەس, ەڭ الدىمەن ورتا جانە شاعىن كاسىپ يەلەرى قيىندىقتارعا تاپ بولادى. سەبەبى كۇرت وسەتىن شىعىندارعا ەشكىم ءبىر تۇندە بەيىمدەلە المايدى.
ايتا كەتەيىك, بيلل ەكمان 2024 جىلعى پرەزيدەنت سايلاۋىندا دونالد ترامپتى قولداعان ەدى.
