جامبىل وبلىستىق پروكۋراتۋراسىنىڭ ءباسپاسوز قىزمەتى كەلتىرگەن دەرەككە سەنسەك, زاڭ وكىلدەرى الەۋمەتتىك وسال توپتاردىڭ قۇقىعىن قورعاۋعا باسىمدىق بەرىپ وتىر. اتقارىلعان جۇمىس ناتيجەسىندە زاڭسىز ساتىپ الىنعان پاتەرلەرلەر كوممۋنالدىق مەنشىككە قايتارىلىپ, ونىڭ ءبىرشاماسى مۇقتاج جاندارعا بەرىلەتىن بولادى.
قالا پروكۋرورىنىڭ اپەللياتسيالىق ءوتىنىشىنىڭ نەگىزىندە 3 پاتەر بويىنشا سوت اكتىلەرىنىڭ كۇشى جويىلعان, ونىڭ ىشىندە 2 پاتەر الەۋمەتتىك وسال توپتارعا جاتاتىن مەنشىك يەلەرىنە قايتارىلدى. سونداي-اق, قۇنى 16 ملن تەڭگەنى قۇرايتىن ورتالىقتا ورنالاسقان 4 بولمەلى پاتەر مەملەكەتكە قايتارىلدى.
جىلجىمايتىن م ۇلىك يەسى بولعان ازامات بۇل پاتەردى قالا تۇرعىنىنىڭ جازباشا كەلىسىمىمەن ساتىپ العان, كەيىننەن مەنشىك قۇقىعىن تانۋ تۋرالى تالاپپەن سوتقا جۇگىنگەن, بۇل تالاپ ءبىرىنشى ساتىداعى سوتپەن قاناعاتتاندىرىلعان. اپەللياتسيالىق ينستانتسيادا تالاپكەردىڭ پاتەردە 7 جىل بويى ۇزدىكسىز تۇرىپ جاتقانىن راستايتىن قۇجاتتار مەن باسقا مەنشىك يەلەرىنىڭ ساتۋعا كەلىسىمى ۇسىنىلماعانى انىقتالعان. سونىمەن قاتار, قاداعالاۋ اكتىسى بويىنشا سوت قالا اكىمدىگىنىڭ جالپى قۇنى 60 ملن تەڭگەگە 5 پاتەردى يەسىز دەپ تانۋ جانە ولاردى كوممۋنالدىق مەنشىككە بەرۋ تۋرالى تالاپتارىن قاناعاتتاندىردى. اتالعان پاتەرلەر كەزەكتە تۇرعان الەۋمەتتىك وسال توپتارعا جاتاتىن ازاماتتارعا بەرىلەتىن بولادى.
سونداي-اق, پروكۋروردىڭ اكتىسى مەن تالاپ ارىزى بويىنشا مەملەكەتكە جالپى اۋماعى 18 سوتىق 2 جەر ۋچاسكەسى قايتارىلدى. الەۋمەتتىك وسال توپتاردىڭ قۇقىقتارى مەن مەملەكەتتىڭ مۇددەسىن قورعاۋ جۇمىستارى الداعى ۋاقىتتا دا جالعاسادى.
تاراز
