اتىراۋ قالاسىنداعى №2 سوتتا ازامات ك.ج.-عا قاتىستى قىلمىستىق ءىس قارالدى. وعان قر قىلمىستىق كودەكسىنىڭ 339-بابىنىڭ 2-بولىگىنىڭ 5-تارماعىمەن ايىپ تاعىلعان.
«2024 جىلعى 17 تامىزدا ءتىنتۋ جۇرگىزۋ كەزىندە ك.ج.-نىڭ اتىراۋ قالاسىنداعى ۇيىنەن زاڭسىز ساقتالعان 90 كگ جۋىق بەكىرە بالىعى جانە 146 گرامم بەكىرە ۋىلدىرىعى تابىلىپ, تاركىلەنگەن. سوتتالۋشىنىڭ كىناسى ءتىنتۋ حاتتاماسىمەن, سوت-بيولوگيالىق, سوت-تاۋارتانۋ ساراپتاماسىنىڭ قورىتىندىلارىمەن دالەلدەندى», دەپ حابارلادى سوتتان.
پروكۋرور سوتتالۋشىعا 3 جىل مەرزىمگە باس بوستاندىعىنان ايىرۋ تۇرىندەگى جازانى تاعايىنداۋدى ۇسىندى. الايدا ايىپتالۋشى مەن ونىڭ قورعاۋشىلارى تاعىلعان ايىپپەن كەلىسكەن جوق.
سوت ايىپتالۋشىنىڭ اسىراۋىندا ءۇش جاس بالاسى بارىن ەسكەردى. بۇل جازا مەن قىلمىستىق جاۋاپتىلىعىن جەڭىلدەتەتىن ءمان-جاي رەتىندە تانىلدى.
«سوت ۇكىمىمەن ك.ج. تاعىلعان ايىپ بويىنشا كىنالى دەپ تانىلدى. وعان 3 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى. جازانى وتەۋ مەرزىمى جاس بالالارى 14 جاسقا تولعانشا 3 جىل مەرزىمگە كەيىنگە قالدىرىلدى», دەپ ءمالىم ەتتى سوتتان.
سوت ۇكىمى زاڭدى كۇشىنە ەنگەن جوق.
