اقتوبە وبلىسىندا مەدرەسە شاكىرتتەرى سپورتتىق جارىس وتكىزدى

اقتوبە. 5 مامىر. اقتوبە وبلىستىق ورتالىق «نۇر-عاسىر» مەشىتى جانىنداعى «اقتوبە» مەدرەسەسىنىڭ شاكىرتتەرى مەرەكە كۇندەرى سپورتتىق ويىنداردان جارىس وتكىزدى. بۇل تۋرالى «نۇر-عاسىر» مەشىتىنىڭ ءباسپاسوز قىزمەتى حابارلادى. شارا مەدرەسەنىڭ 7 جىلدىق مەرەيتويىنا ارنالدى. جاستاردىڭ سپورتتىق شەبەرلىگىن شىڭداۋ جانە بۇقارالىق سپورتتى ناسيحاتتاۋ ماقساتىندا ۇيىمداستىرىلعان سايىس العا اۋدانىنىڭ بەستاماق اۋىلى مەن العا قالاسىندا ءوتتى. قاتىسۋشىلار ۆولەيبول, قول كۇرەستىرۋ, گىر كوتەرۋ, ارقان تارتىس, شاعىن فۋتبول, قازاق كۇرەسى, قۇنان بايگە جانە اسىق اتۋ سىندى سپورت تۇرلەرىنەن سىنعا ءتۇستى. بۇگىندە اتالعان مەدرەسەدە 65 شاكىرت ءبىلىم الۋدا. بيىل بىتىرەتىن شاكىرتتەرىدىڭ التاۋى قىزىل ديپلومنان ۇمىتكەر. قازاقستان مۇسىلماندارى ءدىني باسقارماسىنىڭ ارناۋلى ساراپتاما كوميسسياسى مەدرەسە ۇستازدارىنىڭ ءبىلىمى مەن بىلىكتىلىگىن تەكسەرىپ, جوعارى باعالادى. سونداي-اق, وسى جىلى الماتىدا وتكەن رەسپۋبليكالىق مەدرەسەارالىق وليمپيادادا «اقتوبە» مەدرەسەسىنىڭ 2-كۋرس شاكىرتى ءابدىجاپپار سالاماتتىڭ 1-ورىندى جەڭىپ العانىن ايتا كەتەيىك. ساتىبالدى ءساۋىرباي. دەرەك: اقتوبە وبلىستىق ورتالىق «نۇر-عاسىر» مەشىتىنىڭ ءباسپاسوز قىزمەتى. سۋرەت: muftyat.kz.