سۋرەت: kmg.kz/
باسەكەلەستىكتى قورعاۋ جانە دامىتۋ اگەنتتىگىنىڭ توراعاسى مارات وماروۆ اۆياوتىنعا باعا بەلگىلەۋ تەتىگىن جەتىلدىرۋ: اتاپ ايتقاندا, اۆياوتىندى كوتەرمە جانە بولشەك ساۋدا, ونىڭ ىشىندە اۋەجايلار ارقىلى وتكىزۋ تاسىلدەرىن ۇسىندى.
يمپورتتى الماستىرۋعا نازار اۋدارىلدى. بۇگىندە «قازمۇنايگاز» ۇك» توبىنىڭ ءوندىرىسى وتاندىق اۋە كومپانيالارى مەن مەملەكەتتىك اۆياتسيانىڭ اۆياوتىنعا دەگەن قاجەتتىلىگىن قامتاماسىز ەتىپ وتىر. «قازمۇنايگاز» ۇك دەرەكتەرىنە سۇيەنسەك, 2031 جىلعا قاراي «پەتروقازاقستان ويل پروداكتس» جشس-نى كەڭەيتۋ ناتيجەسىندە اۆياوتىن ءوندىرۋ كولەمى 1,5 ملن تونناعا دەيىن ارتادى.
سونىمەن قاتار اۋەجايلاردى قارجىلاندىرۋ قۇرىلىمىن وزگەرتۋ كەلەشەگى تالقىلاندى. ينفراقۇرىلىمعا قول جەتكىزۋدىڭ سەرۆيستىك مودەلىن ەنگىزۋ ولاردىڭ اۆياوتىننان باقىلاۋعا الىنباعان تابىستارعا تاۋەلدىلىگىن تومەندەتەدى, سونداي-اق اۋەجاي قىزمەتتەرى سالاسىنىڭ دامۋىنا سەرپىن بەرەدى. وسى باعىتتا اۋەجاي ينفراقۇرىلىمىن جاڭعىرتۋدى ىنتالاندىرۋ ءۇشىن كەلىسىلگەن ينۆەستيتسيالىق جوبالارى بار اۋەجايلارعا بىرجولعى كەيىنگە قالدىرۋدى ۇسىنا وتىرىپ, پرەزيدەنتتىڭ «ەكونوميكانى ىرىقتاندىرۋ جونىندەگى شارالارى تۋرالى» جارلىعىن ورىنداۋ شەڭبەرىندە ازىرلەنگەن نەگىزگى قۋاتقا قول جەتكىزۋ قاعيدالارىن ىسكە اسىرۋ مۇمكىندىگى قارالدى.
ەنەرگەتيكا ءمينيسترى ەرلان اقكەنجەنوۆ, كولىك ءمينيسترى مارات قاراباەۆ, «قازمۇنايگاز» ۇك» اق باسقارما توراعاسىنىڭ ورىنباسارى اسەت ماعاۋوۆتىڭ جانە باسقا دا وكىلدەردىڭ ۇسىنىستارى تىڭدالدى. كەڭەس قورىتىندىسىندا پرەمەر-مينيستر بىرقاتار تاپسىرما بەردى.
