ءىس-شارا بارىسىندا مەملەكەت باسشىسىنىڭ تاپسىرماسىمەن قازاق ءتىلىنىڭ عىلىم ءتىلى رەتىندە دامۋ ماسەلەلەرى قاراستىرىلدى. سونىمەن قاتار قازاق ءتىلىنىڭ اياسىن كەڭەيتۋ جولدارى جاساندى ينتەللەكت ارقىلى تالقىلاندى. سيمپوزيۋمعا سەنات دەپۋتاتى دارحان قىدىرالى قاتىسىپ, قازاق ءتىلىنىڭ بولاشاعى ءۇشىن تسيفرلاندىرۋدىڭ ماڭىزدىلىعىن اتاپ ءوتتى.
«بۇگىنگى تاڭدا ادامزات تسيفرلى الەمدە ءومىر ءسۇرىپ جاتىر. سوندىقتان تىلدەردى ساقتاۋ جانە قولدانۋ ماسەلەسى ەرەكشە وزەكتىلىككە يە. بۇل قازاق ءتىلى ءۇشىن دە ماڭىزدى. سەبەبى ونىڭ تسيفرلى ورتادا كەڭىنەن قولدانىلۋى ۋنيفيكاتسيالانعان جانە تسيفرلانعان سوزدىك قورىن, تىلدىك دەرەكقوردى تالاپ ەتەدى. ەگەر ءبىز تسيفرلى سوزدىك قورىن قالىپتاستىرا الساق, بۇل قازاق تىلىندەگى جاساندى ينتەللەكتىنىڭ جۇمىس ساپاسىن ايتارلىقتاي ارتتىرادى», دەپ مالىمدەدى سەناتور.
سيمپوزيۋم بارىسىندا لينگۆيستيكا, جاساندى ينتەللەكت جانە تەرمينولوگيا سالاسىنداعى جەتەكشى ماماندار قازاق ءتىلىن قازىرگى زامانعى تەحنولوگيالارمەن ينتەگراتسيالاۋ ماسەلەلەرىن تالقىلاپ, ۇسىنىستارىن ۇسىندى.
