ءبىلىم مەكەمەسى 1966 جىلى اشىلعانىمەن, تاريحى سوناۋ 1957 جىلدان باستالادى. سول جىلدىڭ جازىندا ورىستىڭ اتاقتى جازۋشىسى كونستانتين سيمونوۆ مىرزاشولگە كەلىپ, العاشقى تىڭ يگەرۋشىلەرمەن تانىستى. 2000 جىلعى 23 مامىردان باستاپ, وقۋ ورداسى ۇكىمەتتىڭ №775 قاۋلىسىمەن قازاقتىڭ ءبىرتۋار ۇلى مۇستافا شوقاي ەسىمىمەن اتالدى. قازىر ءبىلىم ورداسىن بىلىكتى پەداگوگ ۇلجالعاس پرىمبەكوۆا باسقارادى.
جىل سايىن بىرنەشە ونداعان تۇلەكتى ۇلكەن ومىرگە قاناتتاندىرىپ وتىرعان ءبىلىم ۇياسى تالاي تالانتتى شاكىرتتىڭ شىراعدانىن جاقتى. ولاردىڭ ءۇمىتىن ۇكىلەپ, ءدۇبىرلى دودالارعا قوستى. شاكىرتتەرىمىزدىڭ اراسىندا ءتۇرلى ماماندىق يەلەرى بار.
بۇگىندە ءبىلىم ساپاسى جوعارى, بىلىكتى ۇستازدار ساباق بەرەتىن مەكتەپتىڭ قول جەتكىزگەن جەتىستىگى از ەمەس. 2023–2024 وقۋ جىلىندا 6 وقۋشى «التىن بەلگى» السا, 2 وقۋشى «ۇزدىك اتتەستات» يەگەرى. بيىلعى وقۋ جىلىندا وزات وقۋشىلارىمىزدان وسىنداي ءۇمىت كۇتىپ وتىرمىز.
ءبىزدىڭ مەكتەپتە تاربيە ءىسى جاقسى جولعا قويىلعان. باستى ماقساتىمىز – وقۋشىنىڭ دۇنيەتانىمدىق قابىلەتىن دامىتۋ ارقىلى وقۋ مەن تاربيە جۇمىسىنداعى جاڭاشىل ءىس-ارەكەتپەن شىعارماشىل تۇلعا تاربيەلەۋ. اسىرەسە ء«بىرتۇتاس تاربيە» باعدارلاماسى اياسىندا بىرنەشە باعىتتى قامتىعان ءىس-شارا ۇيىمداستىرىلدى.
ايتالىق, تاربيە جۇمىسىندا اكەنىڭ ورنى بولەك. وتباسىندا بالاسىنىڭ بولاشاعىنا كوبىرەك كوڭىل بولگەن اكەلەر مەكتەپتە وتكەن ءىس-شارالارعا, جالپى تاربيە جۇمىستارىنا بارىنشا اتسالىسادى. بۇل – وتە قۋانارلىق جايت. جۋىردا مەكتەپتە «اكەلەر كەڭەسى» ءوتتى. وعان جىلى سۋ اۋىلى ارداگەرلەر كەڭەسىنىڭ توراعاسى و.مىرزاليەۆ, اۋىلدىڭ اعا ءبيى ە.بيبولوۆ, اۋىل اكىمىنىڭ ورىنباسارى ا.الدەشوۆ, اۋىلدىق پوليتسيا ينسپەكتورى ن.ورمانوۆ, اكەلەر كەڭەسىنىڭ توراعاسى ا.سۇتتىباەۆ جانە مەكتەپتىڭ اتا-انالارى قاتىستى. وندا قوعامداعى ەر-ازاماتتاردىڭ ءرولىن ارتتىرۋ تۋرالى ايتىلدى. سونىمەن بىرگە ۇلتتىق قۇندىلىق ارقىلى زاماناۋي, پاراساتتى اكەلەردىڭ جاڭا بەت-بەينەسىن قالىپتاستىرۋ ماسەلەلەرى ءسوز بولدى.
– قازىر بالا تاربيەسىندە اكە ءرولى السىرەپ بارادى. مەكتەپتەگى اتا-انالار جينالىسىنا تەك انالار كەلەتىنى دە بەلگىلى. وسىعان بايلانىستى تاربيە جۇمىسىمەن تەك ۇستازدار عانا ەمەس, وتباسىندا اكەلەر دە اينالىسۋى كەرەك, – دەدى مەكتەپ ديرەكتورىنىڭ تاربيە جۇمىستارى جونىندەگى ورىنباسارى باۋىرجان اۋەلبەكوۆ.
كەڭەستە اۋىلدىق ارداگەرلەر كەڭەسىنىڭ توراعاسى و.مىرزاليەۆ بالا تاربيەسىندە اكەلەر ءرولى شىنىندا دا تومەندەپ كەتكەنىن, بالانىڭ كەلەشەكتە مىقتى ازامات بولۋى ءۇشىن جاسىنان اكە تاربيەسىن كورىپ, ال اكەلەر بالاسىنا قاي كەزدە دە ۇلگى كورسەتۋى كەرەكتىگىنە نازار اۋداردى. سونداي-اق «ەسىرتكى تۇتىنۋ, تەمەكى شەگۋ, الكوگوليزمنىڭ الدىن الۋ» تاقىرىبىنا بايلانىستى جوعارى سىنىپ وقۋشىلارىنا ارنايى جيىن ءوتتى.
بۇگىندە ءمىرزاشول جەتكىنشەكتەرىنىڭ جۇلدىزىن جاعىپ, شامشىراعىن جارقىراتقان ءبىلىم مەكەمەسىنىڭ قۇرىلعانىنا الپىس جىلدان اسا ۋاقىت ءوتتى. وسى ارالىقتا ىرگەسى مىقتى, بىلىكتى پەداگوگتەر قىزمەت ىستەيتىن وقۋ ورداسى ءبىراز بيىكتى باعىندىردى. ۇلت قايراتكەرىنىڭ ەسىمىن يەلەنگەن مەكتەپتىڭ الدا دا الار اسۋى بيىك, ماقساتى ايقىن, بولاشاعى جارقىن دەۋگە ابدەن لايىقتى.
بولات سەراليەۆ,
م.شوقاي اتىنداعى №26 ورتا مەكتەبى ديرەكتورىنىڭ تاربيە جۇمىستارى جونىندەگى
ورىنباسارى
تۇركىستان وبلىسى
