فوتو: Eric Ford / TMX / Reuters
The New York Times باسىلىمىنىڭ حابارلاۋىنشا, اقش كوشەلەرىن سۋ باسىپ, ەلەكتر جەلىلەرى ءۇزىلىپ قالعان. ورتا باتىس پەن وڭتۇستىكتەگى قالالار مەن وكرۋگتەر الداعى كۇندەرى بولجانعان قاتتى سۋ تاسقىنىنا دايىندىق جۇمىستارىن كۇشەيتىپ جاتىر.
ارميا ينجەنەرلەر كورپۋسى ميسسۋريدەگى پوپلار بلۋفف قالاسىنىڭ ماڭىنداعى بوگەتتى نىعايتۋ ءۇشىن شامامەن 1500 قاپ قۇم تولتىرعانىن ايتتى.
ينديانا گۋبەرناتورى مايك براۋن داۋىلدىڭ سالدارىن جويۋعا كومەكتەسۋ ءۇشىن ۇلتتىق گۆارديانى تارتاتىنىن حابارلادى.
ۇلتتىق اۋا رايى قىزمەتى دەمالىس كۇندەرى 10-15 ديۋيم (254 مم-دەن 381 مم-گە دەيىن) جاڭبىر جاۋى مۇمكىن ەكەنىن ايتتى. ەڭ قاتتى جاڭبىر اركانزاس پەن تەننەسسيدە بولادى دەپ كۇتىلەدى.
داۋىل تەننەسسي شتاتىندا بەس ادامنىڭ ولىمىنە سەبەپ بولدى. ينديانادا 27 جاستاعى ەر ادام كولىكپەن ەلەكتر جەلىسىنە سوعىلعاننان كەيىن قايتىس بولدى.
ميسسۋريدە ءورت ءسوندىرۋ ءبولىمىنىڭ باستىعى قايتىس بولدى. بەيسەنبىدە ۇلتتىق اۋا رايى قىزمەتى ايماققا كەم دەگەندە 33 تورنادو تۇسكەنىن راستادى.
