مۇنى پرەمەر-ءمينيستردىڭ ءبىرىنشى ورىنباسارى رومان سكليار باستاعان قازاقستان دەلەگاتسياسىنىڭ قاتىسۋىمەن گەرمانيانىڭ ماينداعى فرانكفۋرت قالاسىندا وتكەن «Kazakhstan Investment Day 2025» اۋقىمدى فورۋمى دا راستادى.
ءىس-شاراعا رەسمي تۇلعالار, ىسكەرلىك توپتار مەن ساراپشىلار قاۋىمداستىعىنىڭ 200-گە جۋىق وكىلى قاتىستى.
فورۋم اياسىندا «قازاقستان – مۇمكىندىكتەر نارىعى: ينۆەستيتسيالار جانە قارجىلاندىرۋ مۇمكىندىكتەرى» جانە «شيكىزات جەتكىزۋ جانە جاڭا نارىقتاردى يگەرۋ ءۇشىن لوگيستيكا» تاقىرىپتارىندا پىكىرتالاس ءوتتى.
سپيكەرلەر نەمىس بيزنەسىنىڭ قازاقستانمەن ىسكەرلىك ىنتىماقتاستىقتى ودان ءارى كەڭەيتۋگە جوعارى قىزىعۋشىلىق تانىتىپ وتىرعانىن جانە جەرگىلىكتى نارىققا قاتىسۋىن ارتتىرۋعا دايىن ەكەنىن اتاپ ءوتتى.
گەرمانيانىڭ Deutsche Bank, Commerzbank, KfW, فرانكفۋرت قور بيرجاسى سياقتى جەتەكشى قارجى ينستيتۋتتارى شوعىرلانعان گەسسەن فەدەرالدىق جەرى بىرلەسكەن جوبالاردى جۇزەگە اسىرۋ ءۇشىن الەۋەتتى سەرىكتەستەر مەن ينۆەستورلاردى ىزدەۋدە ماڭىزدى الاڭ بولا الادى.
فرانكفۋرتقا ساپار بارىسىندا رومان سكليار گەسسەننىڭ حالىقارالىق ىنتىماقتاستىق, ەۋروپا جانە دەبيۋروكراتيزاتسيا ىستەرى جونىندەگى ءمينيسترى مانفرەد پەنتتسپەن كەزدەسۋ وتكىزدى.
اڭگىمەلەسۋ بارىسىندا م.پەنتتس گەسسەن ۇكىمەتىنىڭ تاياۋ ايلاردا ەلىمىزگە ەكونوميكالىق دەلەگاتسيا جىبەرۋ تۋرالى قابىلداعان شەشىمى تۋرالى باياندادى. ساپاردىڭ ماقساتى – كەلەشەگى بار جانە ءوزارا ءتيىمدى جوبالارعا ينۆەستيتسيا سالۋداعى ناقتى قادامداردى انىقتاۋ.
تاراپتار قازاقستان مەن گەسسەن اراسىنداعى ساۋدا-ەكونوميكالىق ىنتىماقتاستىقتىڭ قازىرگى جاعدايى تۋرالى پىكىر الماسىپ, ونىڭ ءارى قاراي دامۋ پەرسپەكتيۆالارىن تالقىلادى.
سونىمەن قاتار رومان سكليار قازاقستان-گەرمان ىسكەرلىك كەڭەسىنىڭ تەڭ توراعاسى, گەرمانيا ەكونوميكاسى شىعىس كوميتەتىنىڭ باسقارۋشى ديرەكتورى ميحاەل حارمسپەن, سونداي-اق بىرقاتار نەمىس كومپانيالارىنىڭ وكىلدەرىمەن ەكىجاقتى كەزدەسۋلەر وتكىزدى.
