ەرلان قارين ساپار اياسىندا ىشكى ساياسات ماسەلەلەرى بويىنشا جيىن وتكىزدى. باسقوسۋعا قاراعاندى وبلىسىنىڭ اكىمى ەرماعانبەت بولەكپاەۆ, قالا جانە اۋدان اكىمدەرى, ايماقتاعى مەملەكەتتىك ورگانداردىڭ باسشىلارى قاتىستى. جيىندا مەملەكەت باسشىسى ۇلتتىق قۇرىلتايدىڭ IV وتىرىسىندا ايقىنداپ بەرگەن مىندەتتەردى جۇزەگە اسىرۋ, ىشكى ساياسات سالاسىنداعى جۇمىستىڭ باسىم باعىتتارى, سونىڭ ىشىندە قوعامدىق كەلىسىمدى, ەتنوسارالىق جانە دىنارالىق تاتۋلىقتى نىعايتۋ, ونوماستيكا, اقپارات جانە جاستار ساياساتى ماسەلەلەرى تالقىلاندى.
ودان كەيىن ەرلان قارين ءوڭىردىڭ شىعارماشىلىق جانە عىلىمي ينتەلليگەنتسيا وكىلدەرىمەن كەزدەسۋ وتكىزدى. پىكىر الماسۋ بارىسىندا مەملەكەتتىك كەڭەسشى ۇلتتىق قۇرىلتايدا پرەزيدەنت كوتەرگەن الەۋمەتتىك جانە مادەني-گۋمانيتارلىق باستامالار تۋرالى ايتتى.
بۇعان قوسا ەرلان قارين پرەزيدەنت جانىنداعى جاستار ساياساتى جونىندەگى كەڭەستىڭ كوشپەلى وتىرىسىن وتكىزدى. باسقوسۋدا قازاقستان جاستارىن جۇمىسپەن قامتۋ جانە جۇمىسشى ماماندىقتارىنىڭ مارتەبەسىن كوتەرۋ ماسەلەلەرى تالقىلاندى. كەڭەس وتىرىسى ايماقتاعى ەڭ ءىرى وندىرىستىك كاسىپورىن – «Qarmet» مەتاللۋرگيالىق كومبيناتىندا ۇيىمداستىرىلعانىن اتاپ وتكەن ءجون.
ساپار قورىتىندىسى بويىنشا جاستار ساياساتى جانە مادەني-گۋمانيتارلىق دامۋ باعىتىندا اتقارىلىپ جاتقان جۇمىستى جەتىلدىرۋگە قاتىستى ناقتى ۇسىنىستار ازىرلەنىپ, مەملەكەتتىك ورگاندارعا تاپسىرمالار بەرىلدى.
