مۇراتىمىز – ماڭگىلىك ەل

امانجول وڭعارباەۆ, وبلىستىق ءماسليحاتتىڭ دەپۋتاتى, «سىر مەديا» جشس باس ديرەكتورى. ەلباسى ۇلىقتاۋ راسىمىندە سويلەگەن ءسو­زىن­دە حالىققا ۇلتتىق جوسپار ۇسىنى­لا­تى­نىن مالىمدەدى. ول ءۇشىن ارنايى كوميس­­سيا دا قۇرىلدى. ەندىگى جەردە مەملە­كەت شارۋاسى وسى جوسپار بويىنشا تۇزىلمەك. بۇل رەتتە بارشا قازاقستاندىقتارعا ارتىلاتىن جۇكتىڭ جاۋاپكەرشىلىگى زور بولاتىنىن سەزەمىز. ويتكەنى, ەلباسىنىڭ ءوزى «كەيىنگى ۇرپاققا كەمەل قازاقستاندى تابىستاۋ – بارشامىزعا ورتاق پارىز. جاڭا عاسىردىڭ سىن-قاتەرلەرىنە توتەپ بەرىپ, دامىعان ەلدەردىڭ قاتارىنا قوسىلۋ – ورتاق جاۋاپكەرشىلىك. ءبىز ۇرپاققا كور­­­­كەيگەن ەلدى, نىعايعان بىرلىكتى, مىزعىماس تۇراقتىلىق پەن ەسەلەنگەن بايلىقتى ميراس ەتەمىز», دەدى. وسىنىڭ وزىنەن-اق بۇگىنگى ۇرپاقتىڭ مويىنىنا جۇكتەلگەن جاۋاپكەرشىلىگىن سەزىنۋگە بولادى. «ءبىزدىڭ قوعامىمىزدىڭ كوپتۇرلىلىگى – ءبىزدىڭ السىزدىگىمىز ەمەس, كۇشىمىز. بارلىق ازاماتتار قۇقىقتىڭ بىردەي كولەمىن پايدالانىپ, جاۋاپكەرشىلىكتىڭ بىردەي جۇگىن ارقالاپ جانە ءتۇرلى مۇمكىندىكتەرگە بىردەي قول جەتكىزۋى ءتيىس. ءبىزدىڭ قوعامىمىز نەعۇرلىم قۋاتتى جانە ءبىرتۇتاس بولا وتىرىپ, تاريحي تۇرعىدا كوپتەگەن تىلدەردەن جانە مادەنيەتتەردەن قالىپتاستى. بۇگىندە ءبىزدى ماڭگىلىك ەل قۇندىلىقتارى: ازاماتتىق تەڭدىك, ەڭبەكسۇيگىشتىك, ادالدىق, وقىمىستىلىق كۋلتى, تولەرانتتىلىق, شىن بەرىلگەندىك پەن پاتريوتيزم بىرىك­تىرەدى. «ەگەر الداعى ءبىر جىلدى ويلاساڭدار – استىق وسىرىڭدەر; ەگەر الداعى ءجۇز جىلدى ويلاساڭدار – اعاش وسىرىڭدەر; ەگەر ءماڭ­گىلىكتى ويلاساڭدار – ادامدى تاربيەلەڭ­دەر» دەگەن ءبىزدىڭ اتا-بابالارى­مىز. ماڭگىلىك ەل قۇندىلىقتارى ءبىزدىڭ باقۋاتتى بولاشاعىمىزعا باعدارلاما بولادى. سوندىقتان ءبىز ەلدىڭ بىرلىگى مەن توپتاس­قاندىعى ءۇشىن ودان ءارى دە ءوزىمىزدىڭ ورتاق ازاماتتىق بىرتەكتىلىگىمىزدى نىعايتۋىمىز كەرەك», دەگەن ەلباسى مەملەكەتتە جاسالاتىن رەفورمالار­دى ايتتى. بۇل قازاقستاندى العا جەتەلەيتىن, الەمدىك دامۋدان قالىس قالدىر­مايتىن, مىقتىلار­مەن تەڭەستىرەتىن, بىلىمدىلەرمەن جارىستىراتىن, بىلەكتىلەرمەن يىق قاعىستىراتىن, ۇلتىمىزدى ۇشپاققا شىعاراتىن رەفورمالىق وزگەرىستەر بولماق. سول سەبەپتى ءبىزدىڭ الدىمىزدا ەلباسى قويعان تالاپ­تاردىڭ ۇدەسىنەن شىعۋ مىندەتى تۇر. قىزىلوردا وبلىسى.